Mātauranga Whānui

whāinga paetae

achievement objective

tūingoa

WHAKAMĀRAMA

Ko te mātauranga me ngā pūkenga matua hei ako mā te tamaiti, ka tohua e te pouako, e te kura, e tētahi mana mātauranga rānei, pērā i Te Mana Tohu Mātauranga o Aotearoa.

The essential knowledge and skills for a child to learn that are set out by a teacher, school or education authority, such as the New Zealand Qualifications Authority.

Tauira KŌrero

Tirohia Te Marautanga o Aotearoa, kei reira ētahi whāinga paetae mō te reo hei āta whakaaroaro māu i a koe e whakamahere ana i ngā mahi ako.

Ki a au nei, kāore e tika ana tēnei whāinga paetae ki tēnei taumata o te kura, he uaua rawa.

Ko tā te pouako, he wewete i ngā whāinga paetae, he āta whiriwhiri i ngā mahi ako e whakamaua ai kia tina aua mātauranga me aua pūkenga ā tōna wā.

WhakamĀrama Āpitihanga

Ko tā te whāinga paetae, he tohu i ngā hua ka riro i te ākonga ina oti i a ia tētahi akoranga. Ka kīia ērā ko ngā hua ako, ā, e tika ana kia taea tētahi hua ako te aromatawai, te ine rānei i te mutunga o ngā mahi ako. Ko te whāinga ako tētahi atu kupu e rite ana ki te whāinga paetae.

Ki ētahi, he āhua whāiti ngā mātauranga me ngā pūkenga ka tohua e tētahi whāinga paetae, ā, ko taua whāinga paetae ka taka ki raro i tētahi whāinga eke.

Ko tā tētahi marautanga ā-motu, pērā i Te Marautanga o Aotearoa, he tautuhi i ngā whāinga whāinga eke hei eke mā te ākonga i tēnā taumata, i tēnā taumata o te kura. Ko tā te pouako, ko tā te kura, he āta whakaaroaro i te hāngai o aua whāinga paetae ki ā rātou ākonga, he whakawhāiti i aua whāinga paetae, he whakamahere i ngā mahi ako e tutuki ai aua whāinga paetae rā.

Mēnā e whai mana ana tētahi whāinga paetae i raro i tētahi tohu mātauranga, mā te aromatawai i tā te ākonga whakatutuki i taua whāinga paetae e riro ai i taua ākonga rā ētahi whiwhinga e hāngai ana ki taua tohu mātauranga. Kia eke ngā whiwhinga a te ākonga ki te rahinga e tika ana, kātahi ka riro i a ia taua tohu mātauranga rā.

Kua utaina e Te Mana Tohu Mātauranga o Aotearoa tētahi tikanga whāiti ki tēnei mea te whāinga paetae, e hāngai pū ana ki tā rātou anga aromatawai. Tirohia tā rātou paetukutuku:  https://www.nzqa.govt.nz/about-us/glossary/a-d/  

Takenga Mai

whāinga (whai) - to follow, pursue, aim at

pae - horizon, step of a ladder

tae - to achieve, arrive

paetae - achievement

Tauira KŌrero

Tirohia Te Marautanga o Aotearoa, kei reira ētahi whāinga paetae mō te reo hei āta whakaaroaro māu i a koe e whakamahere ana i ngā mahi ako.

Ki a au nei, kāore e tika ana tēnei whāinga paetae ki tēnei taumata o te kura, he uaua rawa.

Ko tā te pouako, he wewete i ngā whāinga paetae, he āta whiriwhiri i ngā mahi ako e whakamaua ai kia tina aua mātauranga me aua pūkenga ā tōna wā.

WhakamĀrama Āpitihanga