Mātauranga Whānui

tutuki ~nga

achieve, achievement, achieved

tūingoa, tūāhua, tūmahi oti

WHAKAMĀRAMA

Ko tā te tangata whakaoti i tētahi mahi me te eke anō o te kounga ki tērā i hiahiatia ai.

A person's accomplishment of a task to a desired level of quality.

Tauira KŌrero

Me pēhea te aromatawai i te tutukinga a te ākonga i tēnei paerewa?

Kua tino tutuki i a ia ngā whāinga katoa o tēnei kaupapa, arā, kua ekea te taumata o te Kairangi.

Kua oti i a ia tāna mahi, ā, ki tāku titiro kua tutuki ngā paearu, kua ekea te paerewa.

WhakamĀrama Āpitihanga

Arā ētahi āhuatanga rāroto e tutuki ai i te tangata tētahi paerewa, pērā i tana whakapau werawera, i te pai o ōna pūkenga, i tōna atamai, i tōna ngākau hihiko, i tōna whakapono ki a ia anō, i tōna māia hoki.

Ko ngā āhuatanga rāwaho ka pā ki tā te ākonga whakatutuki paerewa, ko te pai o te mahi whakaako, ko te āhua o te tautoko i a ia me āna mahi, ko te kounga anō o ngā rauemi ka whakamahia e ia.

E toru ngā taumata tutukinga kua tohua e Te Mana Tohu Mātauranga mō ia paerewa paetae i roto i tā rātou anga aromatawai. Koia ko te Paetae, ko te Kaiaka me te Kairangi. Arā hoki te Kāore i Eke mō te ākonga kei raro i te Paetae te kounga o āna mahi aromatawai. Tirohia ā rātou whakamārama i konei: https://www.nzqa.govt.nz/about-us/glossary/a-d/

KUPU KĒ ATU

ekenga paetae

eke

Tauira KŌrero

Me pēhea te aromatawai i te tutukinga a te ākonga i tēnei paerewa?

Kua tino tutuki i a ia ngā whāinga katoa o tēnei kaupapa, arā, kua ekea te taumata o te Kairangi.

Kua oti i a ia tāna mahi, ā, ki tāku titiro kua tutuki ngā paearu, kua ekea te paerewa.