tohu mātauranga

educational qualification, academic qualification

WHAKAMĀRAMA

Ko te whakaatutanga whaimana o tā te tangata whakatutuki i tētahi hōtaka ako, hōtaka whakangungu rānei. E tika ana kia whakamanatia te kura, te whare wānanga, te umanga mātauranga nā rātou te tohu i tuku, e āhukahukatia whānuitia ai taua tohu rā, e whai wāriu ai.

The official recognition of a person's completion of a learning or training course. The school, university or educational institution conferring the qualification should be accredited to do so, in order for it to be widely recognised and have value.

Tauira KŌrero

Kei tēhea taumata te tohu mātauranga e whai nā koe i te kuratini e kō?

Hei te Pōhoroi tū ai te hui whakanui i ngā ākonga e whakawhiwhia ana ki te tohu mātauranga.

Poho kererū ana te kuia i te whiwhinga a tana mokopuna ki te tohu mātauranga o te whare wānanga.

WhakamĀrama Āpitihanga

Ko Te Taumata Mātauranga ā-Motu Kua Taea (NCEA) te tohu mātauranga ā-motu kua whakatūria hei whaitanga mā ngā ākonga o te kura tuarua i Aotearoa, e toru ōna taumata. Ko te urunga whare wānanga tētahi tohu o roto i tērā.

Arā hoki ngā momo tohu ringarehe e hāngai pū ana ki tētahi momo mahi ā-ringa, pērā i te pōkaitahi ringarehe mō te mahi kāmura.

E toru ngā taumata matua o te tohu whare wānanga, ko te tohu paetahi, te tohu paerua, me te tohu kairangi.

Ko tā Te Taura Here Tohu Mātauranga o Aotearoa, he tūhono, he whakaatu i ngā momo tohu mātauranga katoa e whaimana ana i te pūnaha mātauranga o Aotearoa, ahakoa he tohu kura tuarua, he tohu ringarehe, he tohu whare wānanga rānei. Kua oti te whakaū i te kounga o ngā tohu katoa e noho mai ana ki te anga tohu mātauranga nei. Tekau ōna taumata:

He pōkaitahi te whiwhinga mēnā kei te taumata tahi ki te whā te tohu, pērā i te NCEA e whakahaerehia ana i te kura tuarua me ētahi kuratini, whare wānanga anō hoki.
He pōkairua te whiwhinga mēnā kei te taumata rima ki te waru.
Ko te tohu paetahi o te whare wānanga kei te taumata whitu. Ko te tāhū paetahi kei te taumata waru, he āpititanga ki te tohu paetahi, ā, ka kīia he tohu tāura nā te mea kei tua o te tohu paetahi te hōhonu o te mātauranga.
Ko te tohu paerua o te whare wānanga kei te taumata iwa o te anga tohu mātauranga nei.
Ko te tohu kairangi kei te taumata ngahuru, koia te tihi.

Kei tēhea taumata te tohu mātauranga e whai nā koe i te kuratini e kō?

Hei te Pōhoroi tū ai te hui whakanui i ngā ākonga e whakawhiwhia ana ki te tohu mātauranga.

Poho kererū ana te kuia i te whiwhinga a tana mokopuna ki te tohu mātauranga o te whare wānanga.