WhakamĀrama Āpitihanga
I ētahi taupuni tūmata para ka āpitihia he hangarau atu anō hei kapo i te wera me te korohū hei whakahuri kapongao, mā reira e puta ai te hiko. Ka kīia tērā tukanga, ko te para ki te pūngao:
Arā ētahi huataha kino o te tūmata para:
- Ka puta i te pākaitūmata ētahi matū mōrearea pērā i te taioke, i te konuhirimā (Cd) me te konuoi (Mg). Ka rere ēnei matū i te hau, ā, ka raru te hauora tangata, hauora kararehe ina uru ki roto ki ngā pūkahukahu. Ka tau hoki ēnei matū kino ki roto i ō tātou arawai.
- He haurehu kati mahana ka tukuna e te pākaitūmata, pērā i te hauhā (CO2).
- Ka ngoikore te tangata, ngā umanga me ngā kaunihera ki te whakaiti para, hangarua hoki i te para, inā he māmā noa iho te porowhiu ki te taupuni tūmata. Ka pōhēhetia he ara pai, he whakapeautanga whaihua te tūmata para, ā, ka whai kāpō tonu i te pūnaha torotika o te huke rawa, te waihanga hautaonga, te tohatoha i aua hautaonga, te whakapeto me te porowhiu hei para. Ko te taiao me te hauora tangata te papa, nō te kamupene whakatū i te tūmata para te whiwhi monihua.
- He tino iti te pūngao ka puta i te taupuni tūmata para, ahakoa ka kīia i ētahi wā he taupuni para ki te pūngao, he nukakāriki kē tērā whakatairanga.