!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

taupānga

app, application

tūingoa

WHAKAMĀRAMA

He momo pūmanawa ka tāutaina atu ki te rorohiko, ki te waea atamai, ki pūrere matihiko kē atu rānei, e taea ai e taua pūrere te whakatutuki tētahi tūmahi whāiti. Hei tauira, ko te huinga papatono a Microsoft (Word, Excel me ētahi atu), ko ngā pūtirotiro ipurangi pērā i te Chrome, ko ngā taupānga pāhopori pērā i te Atapaki me te Tīhau.

Types of software that are loaded on to a computer, a smartphone or other digital device which enable the device to perform specific tasks. Examples include the suite of Microsoft products (Word, Excel etc), web browsers such as Chrome, and social media applications such as Snapchat and Twitter.

Tauira KŌrero

E putaputa mai ana ētahi taupānga reo Māori papai rawa.

Tīkina atu te taupānga o te papakupu He Pātaka Kupu kia noho mai ai ki tō waea pūkoro.

He aha rā ētahi taupānga tito puoro e mōhio nā koe e hoa?

WhakamĀrama Āpitihanga

Ko ētahi whakarōpūtanga e rua o te taupānga, ko te taupānga papamahi me te taupānga pūkoro. Ka tāutaina te taupānga papamahi ki te rorohiko. Ko te taupānga pūkoro, koirā ngā pūmanawa ka tīkina ake kia noho mai ki te waea atamai, ki tētahi atu pūrere kawekawe rānei, pērā i te paparorohiko.

Arā ētahi taupānga mō te waea ataata, pērā i te MataWā me te Huirangi. Ka rongo, ka kite hoki ngā tāngata e whakawhiti kōrero ana i a rāua anō, i a rātou anō rānei mēnā he hui ataata.

Ko te wāhi e tīkina atu ai tētahi taupānga mō te pūrere kawekawe, ka kīia he toa taupānga. He utukore ētahi, he utu hei tiki ake i ētahi. Mēnā he taupānga kei tō
pūrere kawekawe, he wā ka taetae atu he karere kia whakahoungia, i te mea kua whakatikahia pea tētahi hapa, kua āpitihia rānei tētahi āheitanga hou ki te taupānga. Ka kīia he whakahoutanga taupānga.

He mea whakawhirinaki ētahi taupānga ki te hononga ipurangi. Ki te kore he hononga o te pūrere ki te ipurangi, kāore te taupānga e mahi i āna mahi. Ka kīia tērā momo he taupānga tukutuku. Mēnā ka noho mai ngā āheitanga katoa o te taupānga ki te pūrere, ā, kāore he take o te hononga ipurangi e tutuki ai i te taupānga āna mahi, ka kīia tērā momo he taupānga tūhāhā.

Ko te taupānga iti tētahi āpitihanga ki te taupānga matua. Hei tauira, ko te wati tū pea tētahi āpitihanga ki te taupānga karaka matua.

Tauira KŌrero

E putaputa mai ana ētahi taupānga reo Māori papai rawa.

Tīkina atu te taupānga o te papakupu He Pātaka Kupu kia noho mai ai ki tō waea pūkoro.

He aha rā ētahi taupānga tito puoro e mōhio nā koe e hoa?

WhakamĀrama Āpitihanga