!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

(whaka) pononga

slave, slavery

tūingoa, tūmahi whiti, tūāhua

WHAKAMĀRAMA

He tangata e noho mauhere ana i raro i te mana whakahaere, i ngā tohutohu a tōna rangatira, hei tonotono, hei kaimahi māna.

A person who lives in captivity under the control and direction of their master, as their dogsbody or worker. 

Tauira KŌrero

Ahakoa ngā ture e aukati ana i te whakapononga o te tangata, kei te haere huna tonu aua mahi kino.

I ngā rā o mua, i ētahi whenua, whakatūria ai he mākete hei hoko mā te tangata whairawa i āna pononga, ānō nei he rirohanga noa iho.

He kawe toropuku ngā pononga ki Ingarangi i rō taraka.

WhakamĀrama Āpitihanga

I ngā wā o mua, i te nuinga o ngā porihanga ka whakaaetia te whakapononga i raro i ngā ture, i ngā tikanga rānei o te porihanga. Ināianei e aukatia ana i raro i ngā ture o ngā whenua katoa o te ao. Ahakoa tērā, e haere huna tonu ana, ā, i te tau 2019 i te takiwā o te 40 miriona ngā pononga huri i te ao, e 26 ōrau o rātou he pononga tamariki, e 71 ōrau he wahine. Ko te nuinga o ngā pononga e mahi mauhere ana i rō wheketere.

Ko te mauhere kairau tētahi momo whakapononga i te tangata. Arā, ka kāhakina te tangata mō te mahi kairau te take, ā, ka kīia ia he pononga kairau.

I muri mai i te whakakorenga o te whakapononga, ka ara ake te mahi whakaea nama, e whiwhi apū poroteke tonu ai ngā ahumahi pērā i te ahumahi kātene i Amerika, me te aha anō, he iti noa iho te utu i aua apū poroteke, he kanukanu hoki ō rātou wāhi noho. Ko ngā kaupapa mahi whakaea nama o mua te take i nui ai te noho mai o te iwi o Īnia ki Āwherika ki te Tonga, ki Mareia, ki Whiti, ki te Karipiana, otirā ki ētahi whenua maha o te ao.

Tauira KŌrero

Ahakoa ngā ture e aukati ana i te whakapononga o te tangata, kei te haere huna tonu aua mahi kino.

I ngā rā o mua, i ētahi whenua, whakatūria ai he mākete hei hoko mā te tangata whairawa i āna pononga, ānō nei he rirohanga noa iho.

He kawe toropuku ngā pononga ki Ingarangi i rō taraka.

WhakamĀrama Āpitihanga