All rights reserved
Te Papakupu o Te Marautanga o Aotearoa
Ngā Wāhanga Ako: Te Reo Matatini, Ngā Toi, Pāngarau, Pūtaiao, Hangarau, Tikanga ā-Iwi, Hauora
He tauākī e tohu ana i tētahi mahi, i tētahi mātāpono, i tētahi whāinga rānei hei whakatutuki mā tētahi whakahaere.
A statement indicating an action, a principle, or a goal that is to be implemented by an organisation.
I te matapaki rātou i ngā kaupapahere e pā ana ki te tohatoha pūtea ki ngā rōpū hapori.
Kāore te kaunihera i whai i tā rātou ake kaupapahere mō te whakawhiti kōrero ki te iwi.
Kua roa te wā e matapakihia ana he kaupapahere reo mō tō tātou kura.
Mā te mana urungi o tētahi whakahaere e whakatau he kaupapahere hei whaitanga mā te katoa e whai wāhi atu ana ki taua whakahaere. Mā te kaiwhakahaere me ngā kaimahi e whakatinana ngā kaupapahere. Ko te wāhi ki te hapori o te whakahaere tūmatanui, he matapaki i ngā kaupapahere, he tuku i ō rātou whakaaro ki te mana urungi.
Ko tā te kāwanatanga he āta whiriwhiri, he whakatakoto i ā rātou kaupapahere tūmatanui, he tuku pūtea hei whakatutuki, hei whakatinana i aua kaupapahere, arā, he kaupapahere mātauranga, he kaupapahere hauora, he kaupapahere pāpori, he kaupapahere tāke, he kaupapahere taiao, otirā he kaupapahere mō ia peka o te kāwanatanga.
Arā hoki te kaupapahere tauwhenua, koia rā ngā whāinga, ngā mātāpono, ngā mahi me ngā rautaki e pāhekoheko ai tētahi kāwanatanga ki kāwanatanga kē. He haumi whakamaru, he haumi rongomau, he haumi tōrangapū, he oranga ohaoha ngā take matua.
kaupapa - matter for discussion, plan, scheme, proposal
here - obligation