Hangarau

ahokore

Wi-Fi

tūāhua, tūingoa

WHAKAMĀRAMA

He ara tūhono i te rorohiko, i te waea atamai, i pūrere matihiko kē atu rānei ki tētahi pouwhanga e pātata ana. He hononga ā-ngaru irirangi, ehara i te hononga ā-waea, waihoki he hononga tino tere. Mā te pouwhanga e hono atu ai ki te ipurangi.

A way of connecting a computer, smartphone or other digital device to a modem which is in close proximity. It connects by way of radio waves rather than through wires, and is high speed. The modem then connects to the internet.

Tauira KŌrero

E mara, he aha te kupuhuna o te ahokore?

He aha i whakawetoa ai te ahokore?

He ahokore kore utu kei ētahi wāhi, engari me mōhio tonu ki te kupuhuna e taea ai te hono atu.

WhakamĀrama Āpitihanga

He ahokore te whakawhiti raraunga mai i te waea atamai ki te pouwhanga i tēnei pikitia. He tūhonoaho te hononga ki te ipurangi:

He maha ngā wāhi tūmatanui kei reira te ahokore hei tūhono atu mā te marea ki te ipurangi, pērā i ngā whare pukapuka me ngā whare kai. Ka kīia ēnei he wāhiwera. Me whiwhi kupuhuna e takiuru ai ki te ahokore.

Mēnā karekau he hononga ahokore o tētahi pūrere, ka taea te herehere ki pūrere kē e whai hononga ahokore ana. Mā konei e hono atu ai taua pūrere ki te ipurangi. Hei tauira ko te herehere i te rorohiko kawekawe ki te waea pūkoro.

Mēnā ka uru poka noa tētahi ki te whatunga ahokore a tētahi atu, ka kīia e pīkauria ana ia e te tangata nāna taua hononga ahokore. Ki ētahi he mahi tāhae tērā, arā, e tāhaetia ana te ratonga ipurangi e utua ana e tētahi atu.

Takenga Mai

aho - line, cord

kore - not, nothing

Tauira KŌrero

E mara, he aha te kupuhuna o te ahokore?

He aha i whakawetoa ai te ahokore?

He ahokore kore utu kei ētahi wāhi, engari me mōhio tonu ki te kupuhuna e taea ai te hono atu.

WhakamĀrama Āpitihanga