WhakamĀrama Āpitihanga
Koia nei ētahi o ngā momo pūrere ine-koiora:
- Ko te pūmatawai kanohi. Mā te kātuku e kitea ai ngā āhuatanga tūhāhā o te kanohi o te tangata, pērā i te rahi o te ihu, o te waha, o te rae, o ngā pāpāringa, o te kauae, me ngā tāwhitiwhiti ki waenganui i ērā.
- Ko te pūmatawai kapu ringa. He motuhake ngā rārangi kei te kapu o te ringa, nō reira mā te whakaahua i ērā e mōhio ai te pūrere he mana uru tō te tangata nōna taua ringa.
- Ko te pūmatawai matimati. He pērā anō i te pūmatawai kapu ringa, engari ko te whakaahua kē i te makaurangi o te matimati. He pūmatawai matimati kei te pātene kāinga o ētahi waea atamai - mā te pā o te matimati ki tēnei pātene e uru atu ai te tangata ki tana waea, kāore he take o te kupuhuna. Ka kīia tēnei ko te tautohu ringapā.
- Ko te pūmatawai karu. I konei, ka whakaahuangia te tiwha me te mata tuaroa o te karu. He haumaru ake tēnei momo ine-koiora i ngā mea o runga ake nei.
- Ko te pūmatawai reo. Ko tā tēnei, he wetewete i te reo o te tangata, me te huri hei raraunga matihiko. Mā konei e tautohua ai ngā āhuatanga motuhake tonu o tōna reo, he rerekē ake i tō tangata kē.