Tikanga ā-Iwi

ariā arohaehae

critical theory

tūingoa

WHAKAMĀRAMA

He momo titiro, he momo rangahau, he momo wetewete i ngā āhuatanga maha o te porihanga, pērā i ngā tikanga, i ngā ture, me ngā whanonga e whāia nuitia ana, e pūrangiaho ai ngā pēhitanga me ngā āhuatanga tautika-kore. 

A way of looking at, researching and unravelling many aspects of society such as normalised conventions, laws and behaviours, in order to expose oppression and inequity.

Tauira KŌrero

Mā te ariā arohaehae e mārama ai tātou ki ngā āhuatanga e pēhi nei i ngā iwi taketake i tēnā whenua, i tēnā whenua, huri i te ao.

Ko tā te ariā arohaehae, he wero i ngā āhuatanga e whiwhi painga tonu ai te hunga pūwhero, e whakaeotia tonu ai te hunga rawakore.

Kaua e waiho te ariā arohaehae hei ako mā ngā whare wānanga, engari me tīmata kē i te kura tuatahi.

WhakamĀrama Āpitihanga

Ko te whakaaro porohuri e tino whai wāhi atu ana ki te ariā arohaehae, inā he whakaaro ka wero i ngā uara, i ngā whanonga, i ngā whakahaere o te porihanga auraki, me te whakaputa anō i ngā whakaaro mō te whakaumu i te porihanga.

Ko te ariā kaupapa Māori tētahi momo ariā arohaehae, inā he āta wetewete, he āta huritao, he arohaehae i ngā āhuatanga o te porihanga e aukati ana i te Māori, i te reo Māori me te tikanga Māori, me te noho o te Māori ki ngā tūranga hahaka o ngā tauine pāpori i te hauora, i te mātauranga, i te ture, i te whiwhi whare, me te maha noa atu.

Tauira KŌrero

Mā te ariā arohaehae e mārama ai tātou ki ngā āhuatanga e pēhi nei i ngā iwi taketake i tēnā whenua, i tēnā whenua, huri i te ao.

Ko tā te ariā arohaehae, he wero i ngā āhuatanga e whiwhi painga tonu ai te hunga pūwhero, e whakaeotia tonu ai te hunga rawakore.

Kaua e waiho te ariā arohaehae hei ako mā ngā whare wānanga, engari me tīmata kē i te kura tuatahi.

WhakamĀrama Āpitihanga