!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

whakawaimeha (ahurea) ~tia ~nga

(cultural) assimilation

tūingoa, tūmahi whiti, tūāhua

WHAKAMĀRAMA

Ko te kūmea o tētahi iwi tokoiti ki roto i te ahurea o te iwi awenui, me te aha ka whakarerea tōna ake ahurea, tōna reo, āna tikanga, ōna uara. Koirā te whāinga a te kāwanatanga o Aotearoa i ngā tau o mua, te whakawaimehanga o te iwi Māori ki roto i te ahurea Pākehā.

The subsuming of a minority group into the culture of a dominant group with the result that their own culture, language, customs and values are abandoned. Previously the goal of the government of Aotearoa was to assimilate Māori into the Pākehā culture.

Tauira KŌrero

He aha ētahi o ngā kaupapahere whakawaimeha a te kāwanatanga o Aotearoa i mua?

Arā ētahi iwi, ētahi whānau i kaha tā rātou ātete i te whakawaimehanga, arā hoki ētahi i tahuri ki te whai i ngā āhuatanga o te ahurea Pākehā.

Mō ngā whānau i hūnuku atu ki ngā tāone nui noho ai, he uaua te kaupare atu i te whakawaimehanga a te porihanga whānui.

WhakamĀrama Āpitihanga

Ko te whakauruurunga o te iwi Māori tētahi atu kaupapa i whāia e te kāwanatanga i mua, e āhua rite ana ki te whakawaimeha. He kaupapa tēnei i kaha kōrerohia i ngā tau o te 1950, ko tāna i whai ai, kia kōmitimiti ngā ahurea e rua, engari kia tū motuhake tonu te ahurea Māori.

Takenga Mai

waimeha - diluted

KUPU KĒ ATU

whakahanumi (iwi)

Tauira KŌrero

He aha ētahi o ngā kaupapahere whakawaimeha a te kāwanatanga o Aotearoa i mua?

Arā ētahi iwi, ētahi whānau i kaha tā rātou ātete i te whakawaimehanga, arā hoki ētahi i tahuri ki te whai i ngā āhuatanga o te ahurea Pākehā.

Mō ngā whānau i hūnuku atu ki ngā tāone nui noho ai, he uaua te kaupare atu i te whakawaimehanga a te porihanga whānui.

WhakamĀrama Āpitihanga