!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

tukutuku ao whānui

world wide web

tūingoa

WHAKAMĀRAMA

Ko te wāhanga o te ipurangi e iri ana ngā paetukutuku me ngā whārangi tukutuku. He mea tuhi ēnei whārangi tukutuku ki te reo kuputoro (HTML), he momo waehere rorohiko. Mā te kawa whakawhiti kuputoro (HTTP) e toro atu ai ki tētahi paetukutuku - koirā te take ka tīmata te wāhitau ipurangi o ia whārangi tukutuku motuhake ki te http://www. 

The part of the internet where websites and web pages are held. These are written in hypertext markup language (HTML) which is a form of computer coding. A website is accessed through the hypertext transfer protocol (HTTP) which is why the internet address of every individual webpage begins with http://www.

Tauira KŌrero

Me tūhono atu ki te ipurangi ka tirotiro haere i te tukutuku ao whānui, ka rapu ai i ngā kōrero e hiahia ana koe.

He aha te pūtirotiro e mātua whakamahi ana koe ki te kimi kaupapa i te tukutuku ao whānui?

Ko te tau 1993 te orokohanga mai o te tukutuku ao whānui, ā, kāore i ārikarika tana horapa i muri mai.

WhakamĀrama Āpitihanga

He maha ngā pūtirotiro ka whakamahia hei kimi paetukutuku. Ko Chrome, ko Firefox hei tauira. He papatono pūmanawa ēnei ka tāutaina ki te rorohiko ake. Mā te pūtirotiro e tūhono atu ai te rorohiko ki te ipurangi me ngā kōrero e iri ana ki te tukutuku ao whānui. Ka tūhono hoki ki tētahi pūrapu pērā i te Kūkara. Ina whakaurua he kupu ki te pūrapu, ko tāna he tirotiro i te whakamahinga o taua kupu i te whānuitanga atu o te tukutuku ao whānui, ā, he whakaputa rārangi paetukutuku e hāngai ana.

Ko ētahi wāhanga o te whakamahinga o te tukutuku ao whānui:

Ko te waehere reo kuputoro (HTML), he pūnaha whakarite kōnae tuhituhi e kitea ai ngā āhuatanga tuhi pērā i te momotuhi, i te tae, i ngā whakairoiro, tae atu ki te whakauru kuputoro i ngā whārangi o te tukutuku ao whānui. Hei tauira māmā, ka tāmiramirahia tēnei rerenga kōrero i te whārangi tukutuku:

Arā:

Tuia i runga, tuia i raro.

I ētahi pūtirotiro tukutuku, ka taea te whakamahi pātuhi uru kia peke atu ai koe ki tētahi wāhanga o te whārangi tukutuku hohe i te rorohiko, hei aha noa te whakamahi i te pae panuku, i te wīra kiore rānei.

Takenga Mai

tukutuku - lattice work

tukutuku (whare tukutuku) - cobweb

KUPU KĒ ATU

tukuao

Tauira KŌrero

Me tūhono atu ki te ipurangi ka tirotiro haere i te tukutuku ao whānui, ka rapu ai i ngā kōrero e hiahia ana koe.

He aha te pūtirotiro e mātua whakamahi ana koe ki te kimi kaupapa i te tukutuku ao whānui?

Ko te tau 1993 te orokohanga mai o te tukutuku ao whānui, ā, kāore i ārikarika tana horapa i muri mai.

WhakamĀrama Āpitihanga