!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

āhuatanga tuhi

features of (written) text

tūingoa

WHAKAMĀRAMA

Ko ngā āhuatanga o tētahi tuhinga, i tua atu i ōna kupu ake. He āwhina nui ngā āhuatanga tuhi e māmā ai tā te kaipānui whai haere i te tuhinga, he āwhina hoki i a ia ki te hanga māramatanga ki tāna e pānui ana.

The elements of a written text beyond the body of words per se. Features of text help the reader to navigate and understand the text they are reading.

Tauira KŌrero

He aha ētahi āhuatanga tuhi e kitea ana i tēnei whārangi tukutuku?

Ko te tongi matā tētahi āhuatanga tuhi e āta kitea ai ia huānga motuhake o roto i tētahi rārangitanga tūemi.

Ko ngā āhuatanga tuhi hei āwhina i te kaipānui ki te kimi i tāna e hiahia ana i tētahi whārangi tukutuku.

WhakamĀrama Āpitihanga

E toru pea ngā whakarōpūtanga matua o ngā āhuatanga tuhi:

  1. Ko te āhua tonu o te tuhituhi, pēnā he tāmiramira ētahi kupu, he tītaha, he tāraro, he whaikano rānei. I ētahi momo tānga, pērā i te nūpepa, ka tuhia ngā kōrero ki te tīwae. Ka pānuihia ngā kupu mai i runga ki raro o te tīwae mauī, kātahi ka pērā anō te pānui i te tīwae ki te taha matau.
  2. Ko ngā āhuatanga whakanahanaha hei āwhina i te kaipānui ki te pōkai haere i te tuhinga, pērā i ngā upoko, ngā upoko iti, te tongi matā, te ihirangi, te kuputaka me ngā tau whārangi.
  3. Ko te whakauru i ngā momo tātaitanga whakaahua, pērā i te pikitia, te kauwhata, te tūtohi, te mahere, te hoahoa me te whakaahua. I ētahi o ēnei momo tātaitanga whakaahua ka kitea he tapanga, he whakapūaho anō hoki hei āwhina i te kaipānui ki te hanga māramatanga.

Tauira KŌrero

He aha ētahi āhuatanga tuhi e kitea ana i tēnei whārangi tukutuku?

Ko te tongi matā tētahi āhuatanga tuhi e āta kitea ai ia huānga motuhake o roto i tētahi rārangitanga tūemi.

Ko ngā āhuatanga tuhi hei āwhina i te kaipānui ki te kimi i tāna e hiahia ana i tētahi whārangi tukutuku.

WhakamĀrama Āpitihanga