!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Hangarau

tāmau (papanga) ~tia

fastener (fabric), fasten

tūingoa, tūmahi whiti

WHAKAMĀRAMA

He hanga hei kati tarawaha papanga, pērā i te pātene hei whakapiri i ngā taha e rua o tētahi hāte. Mā te wewete i te tāmau e huakina ai te tarawaha. He hanga mārō te nuinga.

A thing for joining fabric openings, such as buttons to join the two sides of a shirt together. The fastener is released in order to open the join. Most are items of hardware.

Tauira KŌrero

Rārangihia mai ngā momo tāmau e whakamahia ana hei whakapiri papanga.

Kia rua ngā autui hei tāmau i te kope, tētahi ki ia taha.

Ko te piripiri tētahi momo tāmau o mua tata nei, kua horapa haere tōna whakamahinga hei whakapiri papanga.

WhakamĀrama Āpitihanga

Koia nei ētahi momo tāmau e whakamahia whānuitia ana:

pāteneMai rā anō te pātene e whakamahia ana hei whakapiri papanga. He porotaka te nuinga. Ka tuia ki tētahi taha o te tarawaha, ā, ka kuhuna ki te kōhao pātene i tērā atu taha. Hangaia ai ki te wheua, ki te kirihou, ki te maitai, ki te rākau anō hoki.

toromokaKa whakamauhia ki tētahi pito o te tātua, ā, ka kuhuna te pine ki tētahi kōhao kei tērā atu pito. Hāunga te tātua ka whakamahia hoki hei tāmau hū, hei tāmau pēke hoki.


tūtitiE rua ngā wāhanga o te tūtiti. He paku kou kei tētahi wāhanga, ka whakamauhia ki tētahi taha o te tarawaha. He puare kei te wāhanga tuarua, ka whakamauhia ki tērā atu taha o te tarawaha. Ka pēhia te kou ki roto i te puare, ka mau.

piripiriE rua ngā wāhanga o te piripiri. He paku pīhuka kei tētahi wāhanga, he paku koromeke kei te wāhanga tuarua hei hopu i ngā pīhuka ina whakapiria ngā wāhanga e rua nei. Ka whakamahia hei tāmau hū, tāmau kākahu, tāmau pēke anō hoki.

autuiKa whakamahia hei pine i ētahi papanga e rua, pērā i te kope o te pēpi.

nihokatiE rua ngā ngaku āhua pīngore nei, he rārangitanga niho, āputa hoki kei ngā tapa. Ka kuhuna ngā niho o tētahi ngaku ki ngā āputa o tērā atu ngaku, ā, ka mau. Whakamahia ai hei tāmau puare tarau, hei tāmau poraka, hei tāmau pēke hoki.

pīhuka me te koromekeKa tuia te pīhuka ki tētahi taha o te tarawaha, ko te koromeke ki tētahi. Ka kuhuna te pīhuka ki roto i te koromeke, ka mau.

mātitiHe āhua rite ki te pātene, engari kāore i porotaka, he roa, he rahirahi, ā, ka kuhuna ki tētahi koromeke.

pōteteHe aho ka kuhuna ki roto i te ara pōtete ka tuia ki te tapa o te tarawaha. Mā te kukume i te aho ka katia te tarawaha. Ka whakamahia hei tāmau tarau, hei tāmau pēke hoki.

hono whakarākeiKa whiria ki te aho. He pūtiki kei tētahi taha hei kuhu ki roto i te koromeke o te taha tuarua.


Takenga Mai

tā - causative prefix

mau - to be fixed, held firm

Tauira KŌrero

Rārangihia mai ngā momo tāmau e whakamahia ana hei whakapiri papanga.

Kia rua ngā autui hei tāmau i te kope, tētahi ki ia taha.

Ko te piripiri tētahi momo tāmau o mua tata nei, kua horapa haere tōna whakamahinga hei whakapiri papanga.

WhakamĀrama Āpitihanga