!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

kirihou

plastic

tūingoa, tūāhua

WHAKAMĀRAMA

He momo matū ka hangaia ki te waerau, ka takea mai i te hinu māori. He nui ake i te 60,000 ngā momo kirihou rerekē. Kāore i taumaha, i kiato rānei te nuinga o ngā kirihou, ā, ka mānu i te wai. He āhua hangore te nuinga o ngā kirihou, engari ka whati mēnā he nui rawa te whakapiko. Mā te whakawera e māngohe ai te kirihou, e taea ai te whakawhaiāhua. He hahaka te pae rewa, ā, he pai hei ārai hiko.

A type of material that is made from a polymer which is extracted from crude oil. There are over 60,000 different types of plastics. Plastics are not heavy or dense and will float on water. Most plastics are somewhat flexible, but will break if bent too far. By heating, plastic becomes malleable and can be shaped and moulded. The melting point of plastic is low and they make good electrical insulators.

Tauira KŌrero

He aha ngā painga o te kirihou me ngā āhuatanga kāore e pai ana?

Whakarōpūngia ngā kirihou nama rima.

Ko tētahi o ngā mahi i te taupuni hangarua ko te wehewehe i ngā kirihou ki tēnā momo, ki tēnā momo.

WhakamĀrama Āpitihanga

Ko te hinu te tino rawa e hangaia ai ngā momo kirihou. Ka honoa ngā pūhui whaiwaro me ngā  pūhui hauwai hei hanga i te kirihou.

Kāore te kirihou e popo. He wā roa, kātahi ka ngāwherewhere, engari ka noho tonu ngā  kongakonga kirihou mō ake tonu atu. He maha ngā kirihou rerekē, kua wehewehea ki ngā rōpū matua e waru nei:

He tea te āhua, he pūioio. Ka whakamahia hei hanga ipu waireka.  

Ko te 70° te pae rewa. 

He mōhanihani, he āhua pīngore.  

Ka whakamahia hei hanga ipu  miraka, ipu ahikirīmi, pēke hokomaha. Ko te 135° te pae rewa. 

He pakari, he pūioio. Ka whakamahia hei hanga paipa wai. 

Ko te 75° te pae rewa. 

He ngohengohe, he pīngore, he whakatīaho.  

Ka whakamahia  hei hanga pēke kirihou (pērā i te pēke kirihou para). 

Ko te 80° te pae rewa. 

He pūioio, engari he āhua pīngore tonu, he whakatīaho.  

Ka whakamahia hei hanga ipu ahikirīmi, perēti ngaruiti hoki. 

Ko te 145° te pae rewa.
 

He tea, he mōwhaki hoki. Ka whakamahia hei hanga kōpae  rorohiko.  

Ko te 95° te pae rewa.  

Ko te kirihou kōmāmā hei tauira.  

He kohuka te āhua, he māmā hoki. 

Ka whakamahia hei hanga  paepae tākai mīti, hei tākai taputapu hiko, hei whakakī pēke pīni,  
hei hanga kapu waiwera kawekawe.
 

Ērā atu momo kirihou. Ka taka ki tēnei rōpū ngā momo kirihou  ka hangaia ki ngā paparanga kirihou matatini.  

Whakamahia ai ēnei momo hei hanga i ētahi wāhanga motukā, i roto hoki i ngā  taputapu hiko. 

Takenga Mai

kiri - skin

hou - new

Tauira KŌrero

He aha ngā painga o te kirihou me ngā āhuatanga kāore e pai ana?

Whakarōpūngia ngā kirihou nama rima.

Ko tētahi o ngā mahi i te taupuni hangarua ko te wehewehe i ngā kirihou ki tēnā momo, ki tēnā momo.

WhakamĀrama Āpitihanga