Tikanga ā-Iwi

kohuki

trauma, traumatic

tūingoa, tūāhua

WHAKAMĀRAMA

Ko te urupare a te tangata ki tētahi āhuatanga e tino ngaukino ana i a ia, tōna hinengaro, tōna wairua, ōna kare ā-roto. Ka haukerekerea ia e te māharahara, ka hinapōuri, ka mutu, ka heke tana hauora hinengaro.

A person's response to a situation that causes severe distress, mentally, spiritually and emotionally. They are overwhelmed with anxiety and depression, causing a decline in mental health.

Tauira KŌrero

Ka nui te kohuki o te iwi i te rironga atu o tō rātou whenua ūkaipō.

Tērā te noho taumaha o te kohuki ki roto i a ia, i te parahanga hamuti e tukuna atu ana ki te awa.

I tana hokinga mai i Te Pakanga Tuarua o te Ao, ka mate ia i te kohuki, ka mutu, karekau he ratonga āwhina i tērā momo mate i taua wā rā.

WhakamĀrama Āpitihanga

Arā ētahi momo kohuki e kōrerohia whānuitia ana. Koia nei ētahi:

  • Ko te kohuki pāpori. He mate tēnei ka pā ki tētahi porihanga, ki tētahi rōpū rānei o roto i te porihanga i muri i tētahi aituā nui, i tētahi aitu nui rānei, pērā i te pakanga, i te tāmitanga, i te whakatuatea, i te horapa o tētahi tahumaero, i te kaikiritanga, i te rū whenua, i te rawakoretanga, me te maha noa atu.
  • Ko te kohuki kare ā-roto. Ka kōmingo te tangata, ka pairi tana ngākau, ka hūrangi ia, ka kore ia e rongo i te haumarutanga o tōna ao.
  • Ko te kohuki tuku iho. He pāmamae tēnei ka heke iho ki ngā reanga o muri, ki ngā tamariki mokopuna. Hei tauira ko te pāmamae o te hapū i te rironga o ō rātou whenua. Ka waiatatia, ka kōrerotia tonutia taua pāmamae, reanga atu, reanga mai.
  • Ko te kohuki taumuri. He māuiui tēnei ka hua ake i muri i te aituā, i te aitu rānei i puta ai te pāmamaetanga i te tuatahi. He momo mate hinengaro, ko ōna tohu, ko te anipā hārukiruki, ko te moepapa, ko te tīwēwē o ngā whakaaro taumaha.

Tauira KŌrero

Ka nui te kohuki o te iwi i te rironga atu o tō rātou whenua ūkaipō.

Tērā te noho taumaha o te kohuki ki roto i a ia, i te parahanga hamuti e tukuna atu ana ki te awa.

I tana hokinga mai i Te Pakanga Tuarua o te Ao, ka mate ia i te kohuki, ka mutu, karekau he ratonga āwhina i tērā momo mate i taua wā rā.

WhakamĀrama Āpitihanga