kēmu (hākinakina)

WhakamĀrama Āpitihanga

Ka wehea ētahi kēmu ki te haurua tuatahi me te haurua tuarua, he paku whakatā ki waenganui, ka kīia ko te wā haurua. Ko te whutupōro me te poiwhana hei tauira. Ko ētahi kēmu ka wehea ki ōna hauwhā, pērā i te poitarawhiti. Arā, ko te hauwhā tuatahi, te hauwhā tuarua, te hauwhā tuatoru me te hauwhā tuawhā, kātahi ko te wā mutunga.

Mēnā ka hīkina te kēmu mō tētahi wā nā runga i te whara o tētahi kaitākaro, i te karanga rānei a tētahi o ngā kaiwhakaako, ka kīia tērā ko te wāhiki. Ko te wā whara tētahi momo wāhiki.

I ētahi wā, mēnā he takarite ngā kapa i mutunga o te kēmu, ka tākaro tonu rāua kia toa rā anō ai tētahi ki runga i tētahi. Ka kīia tērā ko te wā tāpiri.

Ko te whāinga o te kēmu, kia toa tētahi ki runga i tētahi. Nō reira i te mutunga o te kēmu ko tētahi taha ka toa, ko tētahi ka hinga, ka takarite rānei te tapeke a ia kapa.