Mātauranga Whānui

ako hōhonu

deep learning

tūingoa, tūmahi poro

WHAKAMĀRAMA

He āhuatanga ako, he waiaro ki te ako, inā ka kimi te ākonga i te rētōtanga me te whānuitanga o tāna e ako ana, tae atu ki te tūhononga ki ōna whakaaro me te mātauranga kua mau kē i a ia, me te whakamahinga o taua mātauranga i ngā horopaki hou.

An aspect of learning, an attitude toward learning, that pushes a learner to seek the depth and breadth of what is being learnt, connect that to their thinking and existing knowledge, and use that knowledge in new contexts.

Tauira KŌrero

Ko te ako hōhonu te taumata e whāia ana, e eke ai te ākonga i te Kairangi.

Ko te ako ā-kākā i ngā kupu o te waiata te tuatahi, engari ko te ako hōhonu i ngā tikanga me ngā kōrero e noho mai ana ki roto i aua kupu, koia rā te tino.

Ko te whakaaro arohaehae tētahi pūkenga matua e taea ai te ako hōhonu.

WhakamĀrama Āpitihanga

Ko te ako pāpaku te tauaro o te ako hōhonu, arā, ko te ako ā-kākā i tētahi mea, ko te ako i te hātepe e tutuki ai tētahi mahi, engari ka kore e rukua te hōhonutanga me te whānuitanga o te kaupapa e akohia ana. Hei whakatauaro:

Te Ako Hōhonu	Te Ako Pāpaku
He whānui te titiro.	He whāiti te titiro.
Ka āta whāia te māramatanga.	Ka ako ā-kākā.
Ka arohia ngā ariā e noho mai ana ki muri i te mea e akohia ana.	Ka arohia te hātepe, ngā takahanga e oti noa ai tētahi mahi.
Ka tūhonoa ngā akoranga hou ki ngā akoranga o mua.	Ka ako i ētahi meka motumotu.
Ka tātari, ka arotake, ka kōtuitui i ngā āhuatanga o te mea e akohia ana. Koia ko te whakaaro tūārangi.	Ka whakamaumahara, ka tārua, ka whakapuaki anō i te mātauranga e akohia ana. Koia ko te whakaaro tūāpapa.

KUPU KĒ ATU

ako rētō

Tauira KŌrero

Ko te ako hōhonu te taumata e whāia ana, e eke ai te ākonga i te Kairangi.

Ko te ako ā-kākā i ngā kupu o te waiata te tuatahi, engari ko te ako hōhonu i ngā tikanga me ngā kōrero e noho mai ana ki roto i aua kupu, koia rā te tino.

Ko te whakaaro arohaehae tētahi pūkenga matua e taea ai te ako hōhonu.