!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

tūwhana

radical

tūmahi poro, tūāhua

WHAKAMĀRAMA

Hei whakaahua i ngā whakaaro, i ngā mahi e whai ana kia tino whakahoutia ngā ritenga tōrangapū, ritenga pāpori rānei. He whakaaro, he ara, he mahi e tino rerekē ana i ērā e whāia nuitia ana.

To describe ideas and actions that aim to comprehensively reform political or social practices. Ideas, pathways and actions that are substantially different from those followed by the majority.

Tauira KŌrero

He rōpū tūwhana tērā, e whai ana kia whakahoutia te pūnaha tāke o tō tātou whenua.

Nāwai rā ka tūwhana haere ngā whakaaro o te tangata rā ki te āhua o tā te kāwanatanga whakahaere i te whenua.

Nā tana tūhura i ngā kokonga uriuri o te ipurangi ka whai wāhi atu ia ki ngā whakaaro tūwhana, nāwai ā, he hinengaro takapapa te otinga atu.

WhakamĀrama Āpitihanga

I ētahi horopaki, ka whakanuia te tangata tūwhana, ina pea he para huarahi āna mahi, ōna whakaaro hei whakapai ake i tētahi raruraru, hei whakaputa rānei i tētahi mea hou. He tino rerekē āna mahi me ōna whakaaro i ō te nuinga, ā, ka kīia kei waho i te pouaka ōna whakaaro.

I ētahi horopaki e hono ana te tūwhana ki te mahi kino. Arā ngā rōpū tūwhana huri i te ao e whai ana i ā rātou kaupapa wetiweti, pērā i te māpū whakatuanui kirimā. Ko tā ngā rōpū nei, he pāhō i ā rātou kaupapa, hei poapoa, hei kukume i te wairua, i te hinengaro hoki o te tangata, kia tahuri ai ki tā te rōpū tūwhana e whakatairanga ana. He tukanga tūrourou hinengaro tērā hei whakatūwhana i te tangata, ā, ko te hinengaro takapapa te otinga atu.

I ētahi wā, nā te kaha o te whakatūwhana, ka tino riro te hinengaro o te tangata, ā, ka kawea ia ki roto i ngā mahi whakatuatea, pērā i te tukupohū whakamomori.

Takenga Mai

tū - to oppose, fight, position, stance

whana - to revolt, rebel

Tauira KŌrero

He rōpū tūwhana tērā, e whai ana kia whakahoutia te pūnaha tāke o tō tātou whenua.

Nāwai rā ka tūwhana haere ngā whakaaro o te tangata rā ki te āhua o tā te kāwanatanga whakahaere i te whenua.

Nā tana tūhura i ngā kokonga uriuri o te ipurangi ka whai wāhi atu ia ki ngā whakaaro tūwhana, nāwai ā, he hinengaro takapapa te otinga atu.

WhakamĀrama Āpitihanga