Pūtaiao

tō ā-papa

gravity

tūingoa

WHAKAMĀRAMA

He tōpana kumekume i waenga i ētahi mea e rua, i runga anō i te papatipu o aua mea. Mēnā he rahi te papatipu o tētahi mea (pērā i te papatipu o Papatūānuku), he whānui anō tōna whaitua tō ā-papa, ā, he rahi hoki te tō ka pā ki ngā mea kei roto i te whaitua. Mā te tō ā-papa o Papatūānuku e mau tonu ai ngā mea katoa ki te mata o te whenua.

An attractive force between two objects which depends on the mass of the objects. The larger the mass of an object (for example, the Earth), the wider the gravitational field is, and the larger the pull it exerts on objects in the field. The Earth’s gravity holds all things on it to its surface.

Tauira KŌrero

He aha i rerekē ai te tō ā-papa o Papatūānuku, me te tō ā-papa o te Marama?

Tuhia he pere hei whakaatu i te tō ā-papa.

Mā te tō ā-papa e heke ai tētahi mea e pōteretere ana i te hau ki te whenua.

WhakamĀrama Āpitihanga

Ko te tō ā-papa o Papatūānuku hei kukume i te Marama kia amio haere tonu i a Papatūānuku. Ko te tō ā-papa o Tamanuiterā hei kukume i a Papatūānuku kia amio haere tonu i te Rā. Ko te tō ā-papa o te Marama hei kukume i ngā moana o Papatūānuku, mā konei e hua ake ai te tai timu me te tai pari:

Ki te tukuna tētahi mea mai i tētahi wāhi teitei, ka taka taua mea ki te whenua nā te kukume o te tō ā-papa. Mā te tō ā-papa e whakatere ai te mea e taka ana mā te 10 mita i te hākona i ia hākona (10m/h²):

He hauono te tō ā-papa o te Marama, tērā i te tō ā-papa o Papatūānuku. Nā tēnei āhua, he teitei ake te peke ka taea e te tangata i te Marama, i tana peke i runga i a Papatūānuku:

Takenga Mai

tō - pull

papa - the Earth

Tauira KŌrero

He aha i rerekē ai te tō ā-papa o Papatūānuku, me te tō ā-papa o te Marama?

Tuhia he pere hei whakaatu i te tō ā-papa.

Mā te tō ā-papa e heke ai tētahi mea e pōteretere ana i te hau ki te whenua.