Hangarau

tīpako ~hia ~nga

select (computing)

tūingoa, tūmahi whiti

WHAKAMĀRAMA

Ko te tāmuramura kuputuhi, ata, ahanoa kē atu rānei, hei whakatutuki i tētahi mahi, pērā i te tārua, i te tapahi, i te hūnuku ki wāhi kē, i te whakatītaha, i te hurirahi, i tētahi mahi kē atu rānei.

Highlighting text, an image or other type of object in order to do something to it, such as copy, cut, move to another location, italicise, resize or some other action.

Tauira KŌrero

Whakamahia te kiore hei tīpako i tēnā kōwae o te tuhinga, kātahi ka hūnuku ki te whārangi e whai ana i muri.

Tīpakohia te katoa o te tuhinga, ka tārua ai.

Hoatu te pehu ki te tīmatanga o te kuputuhi e tīpakohia ana, ka panuku ai ki te mutunga.

WhakamĀrama Āpitihanga

Mā te pāwhirirua i tētahi kupu ka tīpakona taua kupu. Mā te pāwhiritoru e tīpakona ai te rerenga kōrero e noho nei taua kupu.

Mēnā kua tīpakona tētahi mea, mā te pāwhiritahi ki wāhi kē atu i te mata e wetekina ai taua tīpakonga. Ka kīia tērā mahi ko te wetetīpako.

Ko te tīpako pouaka taki tētahi momo pāhekohekotanga e taea ana. Hei tauira:

Mā te pāwhiri mauī i tētahi kōnae e tīpakohia ai taua kōnae, e taea ai ngā mahi pērā i te tārua, i te hūnuku me te muku i taua kōnae. Mā te pāwhirirua e huakina ai te kōnae.

Ko te pātaki + A (Ctrl+A) ngā pāpokatata hei tīpako i te katoa o tētahi tuhinga, ka kīia ko te tīpako tukupū.

Tauira KŌrero

Whakamahia te kiore hei tīpako i tēnā kōwae o te tuhinga, kātahi ka hūnuku ki te whārangi e whai ana i muri.

Tīpakohia te katoa o te tuhinga, ka tārua ai.

Hoatu te pehu ki te tīmatanga o te kuputuhi e tīpakohia ana, ka panuku ai ki te mutunga.