Pūtaiao

(te) ture neke tuatahi a Niutana

Newton's first law of motion

tūingoa

WHAKAMĀRAMA

He ture pūtaiao tēnei i tūhuratia e Tā Isaac Niutana i te rautau 17, e mea ana:

Mēnā e noho ngū ana tētahi mea, ka noho ngū tonu ki te kore e pākia e tētahi tōpana.
Mēnā e neke ana tētahi mea, ka pūmau tonu te tere me te ahunga o te neke ki te kore e pākia e tētahi tōpana.

A scientific law which was investigated by Sir Isaac Newton in the 17th century which states:

If an object is at rest, it will stay at rest unless it is acted upon by a force.
If an object is moving, it will stay moving at the same speed and in the same direction unless it is acted upon by a force.

Tauira KŌrero

He aha tētahi whakamātau hei tūhura i te ture neke tuatahi a Niutana?

Tirohia te ipurangi ka kimi ai i tētahi ataata e whakaatu ana i te ture neke tuatahi a Niutana.

E rua ngā wāhanga o te ture neke tuatahi a Niutana.

WhakamĀrama Āpitihanga

E noho ngū ana tēnei tōneke. E taurite ana ngā tōpana e rua kei te pā ki te tōneke, arā, ka kīia he tōpana taurite te tōpana whakarunga me te tō ā-papa.

Ina panaia te tōneke, ka nuku, nā te mea he rahi rawa te tōpana hei kake ake i te tūpuku o te tōneke. Kāore te tere o te tōneke e noho pūmau, ka pōturi haere nā te pā mai o te tōpana waku i waenganui i ngā wīra me te papa, me te tōpana waku ka pā ki te paewīra.

Tauira KŌrero

He aha tētahi whakamātau hei tūhura i te ture neke tuatahi a Niutana?

Tirohia te ipurangi ka kimi ai i tētahi ataata e whakaatu ana i te ture neke tuatahi a Niutana.

E rua ngā wāhanga o te ture neke tuatahi a Niutana.