tōpana

WHAKAMĀRAMA

He tō, he pana rānei ka pā ki tētahi mea. Ki te pā he tōpana ki tētahi mea, ka neke taua mea, ka tere ake, ka pōturi iho rānei te neke, ka rerekē te ahunga o te neke, ka rerekē rānei te āhua o taua mea. Kāore e kitea te tōpana, engari e kitea ana te hua o te tōpana.

A pull or push which acts on an object. A force applied to an object causes that object to move, to speed up or slow down, to change direction, or to change its appearance. A force cannot be seen, but the effect of a force can be seen.

Tauira KŌrero

He aha ngā tōpana e neke ai tētahi pahikara?

Hoahoatia ngā tōpana.

Ko te pere hei tohu i tētahi tōpana me te whakaatu anō i te ahunga o te tōpana.

WhakamĀrama Āpitihanga

Ko te mahi a te tōpana he tō, he pana, he kōpē, he huri, he pēhi, he takahiri rānei i tētahi mea.

Mā te ine-taumaha pūniko e inea ai tētahi tōpana. Ka inea te tō mā te ine i te kaha kumea o tētahi pūniko. Ka inea te pana mā te kaha pēhia o tētahi pūniko. He ine-tōpana (ine-taumaha pūniko) tēnei:

Ka tuhia he pere hei tohu i tētahi tōpana. Ko te ahunga o te pere hei tohu i te ahunga o te tōpana. Ko te roa o te rārangi o te pere hei tohu i te kaha o te tōpana:

E rua ngā momo tōpana:

Ko te tōpana pā:
Koia nei te tōpana ka hua ake i te pānga rawa o tētahi mea ki tētahi. Hei tauira, ko te whana pōro, ko te tukinga motukā.
Ko te tōpana kore-pā:
He tōpana ka hua ake ahakoa kāore he pānga ā-kiko o tētahi mea ki tētahi. E toru ngā momo tōpana kore-pā: te tōpana autō; te tō ā-papa; me te tōpana hikotū. Ko te whaitua tōpana te wāhi e mahi ai te tōpana kore-pā i tana mahi: