WhakamĀrama Āpitihanga
He tere ake te nekeneke o ngā korakora i roto i tētahi mea wera. Nā tēnei, ka panapana ngā korakora kia nui ake te whaitua i waenganui, ā, ka whakamakoha ake te mea. Hei tauira, ka whakamakoha te wai mātao ina whakaweratia, kia nui ake tōna rōrahi:
Ka mātao haere tētahi mea, ka iti haere anō te whaitua i waenganui i ngā korakora, ā, ka hīnohi.
He kaha te herehere o ngā korakora o tētahi totoka, nō reira kāore e nui te whakamakoha ina whakaweratia.
Kāore i te pērā rawa te herehere o ngā korakora o tētahi wē, nō reira he nui ake te whakamakoha ina whakaweratia.
He ngoikore noa iho te herehere o ngā korakora o tētahi haurehu, nō reira he nui te whakamakoha ina whakaweratia.