All rights reserved
Te Papakupu o Te Marautanga o Aotearoa
Ngā Wāhanga Ako: Te Reo Matatini, Ngā Toi, Pāngarau, Pūtaiao, Hangarau, Tikanga ā-Iwi, Hauora, Para Kore, Mātauranga Whānui
He pūrere whakaputa aho. Ko tā te pūrama, he huri i te pūngao hiko hei aho.
A device which gives off light. It changes electrical energy into light.
Honoa te pūhiko ki te pūrama.
He kanapa kē atu te kā o te pūrama mēnā he whakarara te hono o ngā pūrama i te ara iahiko.
E hia te wae ngaohiko o te pūrama?
Arā ētahi momo pūrama rerekē:
He pūrama ratarata ēnei. He waea rauangi kei roto i te pūrama. Ina rere te hiko ki roto i te waea rauangi, ka wera, ka ramarama. He tino whakapau te pūrama ratarata i te hiko. Kei te takiwā o te 5% noa iho o te pūngao hiko ka hurihia hei pūngao aho, e 95% hei pūngao pōkākā:
He pūrama kōrekoreko tēnei. He haurehu kei roto. Ka rere ana te hiko ki roto i te haurehu, ka ramarama. He iti ake te whakapau hiko a te pūrama kōrekoreko, tērā i te pūrama ratarata:
He pūrama whāhutahi ēnei (LED). Ka puta te aho i te nukunuku o ngā irahiko ki roto. He tino pai ki te whāomoomo i te hiko. Kei te takiwā o te 70% o te pūngao hiko ka hurihia hei pūnagao aho.
)
)
