WhakamĀrama Āpitihanga
He momo pūhiko ēnei, ka kīia he pūhiko maroke nā te mea he kukū te āhua o te mehanga kawehiko i roto, kāore i te waiwai:
E taea ana ētahi pūhiko te whakahihiko anō ina ngoikore haere, karekau ētahi.
Ko te pūhiko konukōhatu whai katote (Li-ion) te momo e mātua whakamahia ana i ngā rorohiko o ēnei wā. Arā, ka hangaia te pito tōrunga me te pito tōraro ki te konukōhatu, ā, he wā roa ka hihiko tonu.
Ko ētahi atu momo pūhiko:
- Ko te konukōhatu (Li) kāore e whai katote ana.
- Ko te konukōreko pūmā (NiCad).
- Ko te konukōreko hauwai (NiMH)
- Ko te waikawa konumatā, te momo ka whakamahia i rō motukā.
Ka inea te kaha o tētahi pūhiko ki te wae ngaohiko (V). Kei te takiwā o te 11V ki te 15V te kaha o ngā pūhiko rorohiko. E 3.7V te kaha o te pūhiko waea pūkoro.
E toru ngā pūhiko kei te nuinga o ngā rorohiko:
- Ko te pūhiko whaitaua, ko tāna he pupuri tonu ki ngā tautuhinga o te rorohiko, ahakoa e moe ana te rorohiko, kua whakapokoa rānei. Mā te pūhiko whaitaua e huri tonu ai te karaka me te maramataka o te rorohiko.
- Ko te pūhiko taupua, ko tāna he whakakapi i te wāhi ki te pūhiko matua ina raru. Kei roto tēnei momo i ngā rorohiko kawekawe anake.
- Ko te pūhiko matua o roto i ngā rorohiko kawekawe, e kā tonu ai te rorohiko i ngā wā kāore e honoa ana ki te hiko ā-whare.
He atamai ētahi o ngā pūhiko o mohoa noa nei, arā, mā te pūhiko tonu e aroturuki tōna kaha me te whakamōhio anō ki te kaiwhakamahi mēnā e ngoikore haere ana. Ka kīia he pūhiko atamai ēnei.