Tikanga ā-Iwi

porotū

strike (protest action)

tūingoa, tūmahi poro

WHAKAMĀRAMA

He momo mautohe nā te hunga kaimahi, inā ka hīkina tā rātou mahi mō tētahi wā, nā runga i tētahi amuamu, i tētahi nawe rānei ki te āhua o tā rātou whiwhi mahi, pērā i te haumaru-kore o te wāhi mahi me te iti o te utu.

A type of protest by employees where they stop work for a period of time because of a complaint or grievance about an aspect of their employment, such as an unsafe work environment or low wages.

Tauira KŌrero

E porotū ana ngā kaimahi o te mira ā te Rāpare e tū mai nei.

E rua rā te roa o te porotū a ngā tapuhi ā tērā wiki.

He aha ngā kaimahi wāpu i porotū ai i te tau 1951?

WhakamĀrama Āpitihanga

He mana tō te hunga kaimahi o Aotearoa ki te porotū i raro i te ture mēnā ka whai rātou i ētahi whakaritenga, pērā i te tuku whakamōhiotanga ki te kaituku mahi. Arā hoki ētahi whakaritenga i raro i te ture e whaimana ai te kaituku mahi ki te aukati i ngā kaimahi.

I ētahi wā ka porotū ohorere te hunga kaimahi mēnā kua tino raru te hononga ki te kaituku mahi, ka puta ohorere rānei tētahi whakararu.

He wā anō, he porotū mahi hamanga ka whāia e te hunga kaimahi, arā, ka mahi tonu rātou i ētahi o ā rātou mahi, engari kāore ētahi, nā runga pea i te haumaru-kore o aua mahi rā.

Ko te porotū kape kai tētahi momo mautohe a ētahi, inā ka kore rātou e kai, nāwai ā, ka tauheke te ora. Ko te whāinga i konei, kia tahuri mai te hunga e whai mana ana ki tā te tangata porotū e tohe ana. Ko te porotū kape kai a te hunga mauhere hei tauira.

Tauira KŌrero

E porotū ana ngā kaimahi o te mira ā te Rāpare e tū mai nei.

E rua rā te roa o te porotū a ngā tapuhi ā tērā wiki.

He aha ngā kaimahi wāpu i porotū ai i te tau 1951?

WhakamĀrama Āpitihanga