pāpātanga o te whiti

WhakamĀrama Āpitihanga

He kauwhata rārangi tēnei e whakaatu ana i te tawhiti o tētahi tangata i tōna kāinga i te takanga o ngā haora i tētahi rangi:

Ko te rōnaki o te rārangi o te kauwhata hei whakaatu i te pāpātanga o te whiti. Arā:

• Mēnā e tino piki ana te rōnaki, he tino tere te whiti (he tino tere te tawhiti haere o te tangata i tōna kāinga - ko te ‘e’ i te kauwhata i runga nei).
• Me he māmā te piki o te rōnaki, he pōturi te whiti (kāore e tino tere te tawhiti haere o te tangata i tōna kāinga - ko te ‘i’ i te kauwhata i runga nei).
• Mēnā he huapae te rārangi, kāore e whiti ana (ka pūmau tonu te tawhiti o te tangata i tōna kāinga - ko te ‘a’, te ‘h’, te ‘k’ me te ‘n’ i te kauwhata i runga nei).
• Me he māmā te heke o te rārangi, he pōturi te whiti (kāore e tino tere te pātata haere o te tangata ki tōna kāinga).
• Mēnā e tino heke ana te rōnaki, he tino tere te whiti (he tere te pātata haere o te tangata ki tōna kāinga - ko te ‘m’ i te kauwhata i runga nei).

E toru ngā momo pāpātanga tipu e whakaaturia ana ki ngā kauwhata nei:

Ko te pāpātanga tipu pūmau i te takanga o te wā. He rārangi torotika whakapiki te āhua o te kauwhata. Ko te y = 2x hei tauira o te whārite o tēnei momo kauwhata.	ko te pāpātanga tipuranga pūkōaro i te takanga o te wā. He tere te tipu i te tīmatanga, ka pōturi haere, ka pōturi haere. Ko te y = pūkōaro2x hei tauira o te whārite o tēnei momo kauwhata.	Ko te pāpātanga tipuranga taupū i te takanga o te wā. He pōturi te tipu i te tīmatanga, ka hohoro haere, ka hohoro haere. Ko te y = 2x hei tauira o te whārite o tēnei momo kauwhata.

E toru ngā momo pāpātanga heke e whakaaturia ana ki ngā kauwhata nei:

Ko te pāpātanga hekenga pūmau i te takanga o te wā. He rārangi torotika whakaheke te āhua o te kauwhata. Ko te y = -2x + 7 hei tauira o te whārite o tēnei momo kauwhata.	Ko te pāpātanga hekenga pūkōaro i te takanga o te wā. He tere te heke i te tīmatanga, ka pōturi haere, ka pōturi haere. Ko te y = pūkōaro1/2 x hei tauira o te whārite o tēnei momo kauwhata.	Ko te pāpātanga hekenga taupū i te takanga o te wā. He pōturi te heke i te tīmatanga, ka hohoro haere, ka hohoro haere. Ko te y = -(2x) hei tauira o te whārite o tēnei momo kauwhata.