pāpātanga

WhakamĀrama Āpitihanga

He tauira o te pāpātanga:

• Ko te mita i te hākona (m/h). Arā ko te maha o ngā mita ka oti i ia hākona, pērā i te 5m/hākona. He pāpātanga tēnei hei tohu i te tere o tētahi mea.
• Ko te manomita i te haora (km/h) Arā ko te maha o ngā manomita ka oti i ia haora, pērā i te 50km/haora. He pāpātanga anō tēnei hei tohu i te tere o tētahi mea.
• Ko te utu i ngā mahi a tētahi tangata. Arā pea ko te $28.00 mō te haora kotahi: $28/hr
• Ko te utu i te kōrero ā-waea ki tawhiti. Arā pea ko te $2.50 mō ia meneti ki Rānana: $2.50/meneti
• Ko te utu mō te hoko i te papa rākau, arā pea ko te $3.50 mō te mita kotahi: $3.50/m
• Ko te maha o ngā pēke rīwai hei whāngai i te manuhiri. Arā pea ko te pēke rīwai kotahi hei whāngai i te 70 tāngata: 1 pēke/70 tāngata

Mēnā ka oti te 5km te omaoma i te 30 meneti, ko te 5km/30meneti te pāpātanga e hāngai ana. Ina whakarūnātia, ko te 1km/6meneti te pāpātanga waetahi e rite ana. Ko te 10km/1haora tētahi atu pāpātanga waetahi e rite ana. Arā, ko te '1' tētahi o ngā taurangi i te pāpātanga waetahi.