WhakamĀrama Āpitihanga
E toru ngā momo kutu ka whai kāinga ki te tinana tangata:
- Ko te kutu māhunga. Noho ai ki te kiri angaanga, ka whakapiria ōna riha ki ngā weu makawe. Ko te torotiti te tohumate matua, ā, ka horapa ki tangata kē i te piringa tata o tētahi ki tētahi.
- Ko te kutu tinana. Noho ai tēnei momo ki ngā kākahu me ngā paraikete, ka ngōki atu ki te kai i ngā toto o te tangata, ā, ka tino torotiti te kiri. Mēnā he kino te pā o te kutu tinana ka kawea he mate huakita pērā i te taipuhi, ka horapa ki tangata kē.
- Ko te kutu taihemahema. He momo mate paipai, he mate pirinoa, inā te noho mai o ēnei kutu ki ngā huruhuru taihemahema o te tangata. Ko te kaha ngau o te torotiti te tohumate. Ka whakawhitia mai i tētahi ki tētahi i te wā onioni.