WhakamĀrama Āpitihanga
He kani whaipapa tēnei me ōna wāhanga. Mātua whakamahia ai te kani whaipapa ki te kani haratua i te papa rākau, arā, ki te tapahi i tōna whāroa i runga i te ahunga o tōna kakano. Ka kīia e kōreparepatia ana te papa rākau. Me āta whāngai atu te papa rākau nā te mea i ētahi wā ka whanaia whakamuri, he whara pea te otinga atu. Ka pēnei mēnā he whakawiri te kakano o te rākau:
He kanipiko tēnei. Ka tīemiemi te mata ki runga, ki raro. Mātua whakamahia ai hei tapahi rārangi kōpiko:
He kani porotītiti tēnei. He mata hurihuri tō tēnei momo, mātua whakamahia ai ki te kani tāmaku i te papa rākau. Ina whakamauhia he mata kē ka taea ētahi atu rauemi te tapahi, pērā i te raima me te konumohe:
He kani koropewa tēnei. Ka hurihuri te mata koropewa i ētahi tauru porotiti nui. Mātua whakamahia ai ki te tapahi rārangi kōpiko i te papa rākau. Ina whakamaua he mata kē, ka taea ētahi atu rauemi te tapahi, pērā i te konumohe me te wheua:
He kani hōtiu tēnei. Mātua whakamahia ai ki te kani tāmaku i tētahi papa rākau, waihoki ka taea te koki o te tapahanga te panoni, pērā i te tapahanga 45º, i te tapahanga hāngai (90º) me ngā koki katoa kei waenganui:
