Tikanga ā-Iwi

hangarau arotau

appropriate technology

tūingoa

WHAKAMĀRAMA

Ko ngā momo hangarau e tika ana, e hāngai ana ki ngā tūāhua pāpori, ki ngā tūāhua taiao, ki ngā tūāhua ohaoha o te horopaki, o te wāhi hoki e whakamahia ana aua hangarau. He hangarau tautaiao, he hangarau toitū, he hangarau e hāpai ana i ngā whāinga kiritōpū a te hapori.

Types of technology that are proper and suitable for the social, environmental and economic circumstances in which that technology is being used. It is eco-friendly, sustainable and supportive of the collective goals of the community.

Tauira KŌrero

He pūrongo tēnei e āta mātai ana i ngā hangarau arotau mō te ahumahi ika.

Ko tā te hangarau arotau, he hāpai i te ringaora o te tangata, o te rōpū rānei.

Ehara tēnā i te hangarau arotau nā te mea he wā poto noa iho ka porowhiua, ā, ka tāhawatia te whenua.

WhakamĀrama Āpitihanga

Ko Hangarau Arotau tētahi kaupapa kua whakatūria ki ētahi whenua maha o te ao, hei hāpai, hei whakatenatena i ngā momo hangarau e ringaora ai tētahi hapori iti. He hangarau whāomo pūngao, he hangarau toitū, he hangarau atawhai taiao, he hangarau matatika, he hangarau e hāngai ana ki ngā tikanga ahurea o te haukāinga.

I ētahi wā, mā te hapori tonu te hangarau arotau e whakawhanake, e waihanga kia hāngai tonu ki ngā āhuatanga e matea ana e rātou. He wā anō ka mahi ngātahi te iwi me tētahi whakahaere whakanao hangarau.

Hei tauira o te hangarau arotau, ko tēnei momo papu wai i tētahi hapori tuawhenua o Āwherika:

Takenga Mai

arotau - suited, appropriate

KUPU KĒ ATU

hangarau tika

Tauira KŌrero

He pūrongo tēnei e āta mātai ana i ngā hangarau arotau mō te ahumahi ika.

Ko tā te hangarau arotau, he hāpai i te ringaora o te tangata, o te rōpū rānei.

Ehara tēnā i te hangarau arotau nā te mea he wā poto noa iho ka porowhiua, ā, ka tāhawatia te whenua.