!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

auhi

anguish, distress, distraught, dysphoria

tūingoa, tūmahi poro

WHAKAMĀRAMA

Ko te kaha rongo o te tangata i te pāihi me te matekiri ki tētahi āhuatanga ōna anō, o tōna ao rānei. He tohu, he āhuatanga rānei o te mate hinengaro.

A strong sense of unease and disappointment over some aspect relating to themselves or their world. It is a symptom or characteristic of mental illness.

Tauira KŌrero

Ia wiki noho tahi ai ia me tōna kaitohu ora, koia hei rongoā mō tōna auhi.

Ko te ruhi, ko te ngākau kore ētahi hoa haere tahi me te auhi.

Nā tana kaha kuhu ki tōna ao Māori i māmā ake ai te pā o te auhi.

WhakamĀrama Āpitihanga

Ko te manahau te tauaro o te auhi, arā, ko te hari o te ngākau ki tētahi āhuatanga.

Koia nei ētahi momo auhi e kōrerohia whānuihia ana i te ao hauora:

  • Ko te auhi ā-ira. Ko te anipā, ko te manawarau o te tangata ki tōna ira whānau mai. E taupatupatu ana ōna whakaaro ki te āhua o tōna tinana me tōna tuakiri ā-ira.
  • Ko te auhi ā-tinana. Ko te anipā, ko te pāihi, ko te whakamā o te tangata ki te āhua o tōna tinana. He āhuatanga tēnei ka ara ake i te warea o te tangata ki te āhua pūrotu o ngā tinana e whakaaturia ana, e whakatairangatia ana i ngā arapāho, me te karere huna i te taha koia rā te tino hei whaitanga mā te katoa. Arā, kua pōhēhē mēnā kāore e rite ana te tangata ki tērā huatau o te pūrotu, e hapa ana tōna tinana.

KUPU KĒ ATU

ahotea

pākinikini

pātakotako

Tauira KŌrero

Ia wiki noho tahi ai ia me tōna kaitohu ora, koia hei rongoā mō tōna auhi.

Ko te ruhi, ko te ngākau kore ētahi hoa haere tahi me te auhi.

Nā tana kaha kuhu ki tōna ao Māori i māmā ake ai te pā o te auhi.

WhakamĀrama Āpitihanga