Hauora

tūoho

aware, perceive, awareness, perception

tūingoa, tūmahi poro, tūāhua

Ko tā te tangata whakamahi i ōna tairongo, i ōna mātauranga, i ōna wheako katoa hei hanga māramatanga ki tētahi mea.

A person's use of all their senses, knowledge and experiences to create their own understanding of something.

Ka tino tūoho te kōhungahunga ki te āhua o tōna taiao, mēnā rānei he taiao tauawhi, he taiao ririhau rānei.

He mea nui te tūoho o te tangata ki te āhua o tana pāhekoheko ki tangata kē.

He tangata i pakeke mai i roto i te wao i te taha o tōna tipuna, nō reira e tino tūoho ana ki te hā o te ngahere me ōna koiora katoa.

Koia nei ētahi whakamahinga o te kupu nei, te tūoho i roto i te ao hauora:

Ko te tūoho whaiaro. Koia ko te mārama o te tangata ki āna whanonga me ōna kare ā-roto, ki te āhua hoki o tana pāhekoheko ki tangata kē.
Ko te tūoho tinana. Arā, ko ngā whakaaro o te tangata ki te āhua o tōna tinana, mēnā rānei he whakamanea ki tangata kē. Ka tino whakaaweawetia te tūoho tinana o te tangata e ngā huatau o te tinana ātaahua e whakatairangatia ana e ngā pae pāho auraki o te ao.
E mārama ana te tangata tūoho haumaru ki ngā āhuatanga e haumaru ai ia me tōna whānau i ngā horopaki rerekē, pērā i te piki arawhata, i te whātoro atu ki te ao o te ipurangi, i te taraiwa motukā, me te hāereere i te tāone i ngā pō.

tū - position, stance

oho - awake, arise, be aroused (of feelings)

aroā

Ka tino tūoho te kōhungahunga ki te āhua o tōna taiao, mēnā rānei he taiao tauawhi, he taiao ririhau rānei.

He mea nui te tūoho o te tangata ki te āhua o tana pāhekoheko ki tangata kē.

He tangata i pakeke mai i roto i te wao i te taha o tōna tipuna, nō reira e tino tūoho ana ki te hā o te ngahere me ōna koiora katoa.