WhakamĀrama Āpitihanga
Ko te ako hohe-iti te tauaro o te ako hihiri, arā, ko tā te ākonga he noho noa iho ki te whakarongo ki te pouako, ka riro ko tāna he kapo noa i te mātauranga ka tukuna ki a ia.
Hei whakaahua i te ako hihiri me te ako hohe-iti ki tā ētahi o ngā rangahau mātauranga:
Arā hoki te kōrerohia o te ako houtupu, e tino whai pānga ana ki te ako hihiri. Koia ko tā te ākonga tūhura, tana wānanga, tana hanga māramatanga ki ngā take, ki ngā kaupapa e whai tikanga ana, e hāngai ana ki a ia me tōna ao. Ka whakaoti rapanga tūturu, kaua ngā mea hanganoa o roto i tētahi pukamatua, ā, mā reira ka manawa ū ia ki āna mahi ako, arā, ka tino tōia ki roto i te kaupapa e ākona ana. Ka kīia ērā rapanga he ngohe ako houtupu.
Arā hoki te ngohe ako haumako. Ka toro whānui ēnei momo ngohe, waihoki mā te whakaaro auaha o te ākonga, mā te whakaaro arorau, mā te whakawhiti whakaaro, mā te tātari i ngā taha katoa, mā te kōtuitui i ngā whakaaro kē, mā te arotake i ngā hua e tutuki ai.