Pūtaiao

whetū

star

tūingoa

WHAKAMĀRAMA

He poi haurehu nui whakaharahara e noho mai ana i te ātea, pērā i a Tamanuiterā. He tauhohe karihi e pahū haere ana i roto i ngā whetū, ka hahana mai ai he pūngao aho, he pūngao pōkākā, he ngaru autōhiko anō hoki. Kāore e ārikarika te maha o ngā whetū i te ao tukupū, ā, e kitea ana ētahi i te uma o Ranginui i ngā pō atarau e kapokapo mai ana. E 88 ngā kāhui whetū o roto i te ao mātai arorangi, kua wehea hoki te Rangi ki ngā rohe 88 e kitea mai ana ēnei kāhui whetū.

A large ball of gas in space such as the Sun. Stars give out heat and light energy and electromagnetic radiation from the explosive nuclear reactions within. There are vast numbers of stars in the universe, some of which can be seen as points of light twinkling in the night Sky. There are 88 constellations referred to in astronomy, and the Sky has been divided into 88 regions in which the constellations appear.

Tauira KŌrero

He aha ētahi o ngā whetū e tino kitea ana i te Rangi i Aotearoa?

Whakamahia te mahererangi hei tautohu i ngā tino whetū e kitea atu ana.

Ko Tamanuiterā te whetū e tino pātata ana ki a Papatūānuku.

WhakamĀrama Āpitihanga

He rerekē te rahi, te pīataata me te paemahana o tēnā whetū, o tēnā. Kei te takiwā o te 10 piriona tau te wā ora o tētahi whetū, e haere tonu ai ngā pahūtanga karihi o roto.

I ētahi wā, ka tino kaha kē ake te pahū o tētahi whetū, ka tukuna te nuinga o te papatipu o taua whetū ki te ātea. Ka tino piki te pīataata o te whetū, kātahi ka heke iho te rahi me te hahana. Ka kīia tēnei āhuatanga he pahūnga whetū.

Kitea ai he kāhui whetū i te Rangi, arā, he āhua ka hua mai i te noho o ngā whetū ki te ātea. Ko Tautoru (Orion), ko Tamarereti (Scorpio) hei tauira. He ingoa anō ō ngā whetū o roto i ngā kāhui whetū. Ahakoa e noho ana hei kāhui whetū ki tā te karu titiro mai i a Papatūānuku, kāore pea i te noho tata, noho whanaunga rānei. Ka whakaingoatia ngā kāhui whetū e tēnā iwi, e tēnā iwi puta noa i te ao i runga anō i te āhua o te kāhui whetū, i runga rānei i te wā o te tau e kitea ai te kāhui whetū i te Rangi. Koinei a Tautoru:

Kāore e puta atu ki te ātea te hahana o ētahi whetū. Nā te kaha tonu o te tō ā-papa o ēnei whetū ka puritia te aho, te pōkākā me ngā ngaru autōhiko. Ka kīia ēnei whetū he āputa rangi nā te mea kāore e kitea e te karu tangata.

Tauira KŌrero

He aha ētahi o ngā whetū e tino kitea ana i te Rangi i Aotearoa?

Whakamahia te mahererangi hei tautohu i ngā tino whetū e kitea atu ana.

Ko Tamanuiterā te whetū e tino pātata ana ki a Papatūānuku.

WhakamĀrama Āpitihanga