Te Reo Matatini

whakahoki (kōrero) ~nga

feedback

tūingoa, tūmahi poro

WHAKAMĀRAMA

Ko te tuku whakaaro e pā ana ki te mahi a tētahi, e pā ana ki tētahi kaupapa rānei. I te nuinga o te wā, ko te whāinga o te whakahoki kōrero, kia pai ake te mahi, te kaupapa rānei i muri iho.

Giving an opinion or thoughts about a person's performance, or about a particular initative. Usually the intent of feedback is to improve future outcomes.

Tauira KŌrero

Ko ana whakahokinga hei āwhina i a koe ki te whakapakari i tō reo.

Ko te āhua o tā te pouako whakahoki kōrero tētahi āhuatanga matua e angitu ai te ākonga i roto i ana mahi.

Nā te tumuaki i whakarāpopoto ngā whakahokinga kōrero e pā ana ki te rā hākinakina o te kura i whakatūria i tērā wiki.

WhakamĀrama Āpitihanga

Ko te whakahokinga whaihua, koia ngā momo kōrero hei whakapiki i te mahi a te ākonga, kia angitu ai ia i roto i ana mahi ako, kia mōhio ai ia ki ngā āhuatanga e pai ana me ngā āhuatanga e hapa ana hei whakapakari māna i muri iho.

Ko te mihi tētahi momo whakahokinga kōrero, arā, he tauawhi i te ākonga, he hiki anō i tōna wairua kia whakaaro pai ia ki a ia anō me āna mahi ako.

Ko te whakahokinga tātā te tauaro o te mihi, koia ngā momo whiunga o te kupu ka takahi, ka pēhi i te wairua o te ākonga, karekau e whaihua ana hei whakapiki i āna mahi i muri iho.

He momo anō te whakahokinga arohaehae, inā ka arohaehaetia te mahi, te kaupapa rānei, ōna painga ōna hapa, ōna tika me ōna hē.

Tauira KŌrero

Ko ana whakahokinga hei āwhina i a koe ki te whakapakari i tō reo.

Ko te āhua o tā te pouako whakahoki kōrero tētahi āhuatanga matua e angitu ai te ākonga i roto i ana mahi.

Nā te tumuaki i whakarāpopoto ngā whakahokinga kōrero e pā ana ki te rā hākinakina o te kura i whakatūria i tērā wiki.

WhakamĀrama Āpitihanga