WhakamĀrama Āpitihanga
Arā kē te huhua o ngā momo tuinga. Koia nei ētahi, he tuinga ā-ringa. Ka taea hoki ēnei e te pūrere tuitui:
Koia nei ētahi momo ngira:
| ngira koi | Koia nei te momo e whakamahia whānuitia ana mō te tuitui ā-ringa . He pito koi tōna. |
| ngira moanarua | He āhua rahi te kōhao, e kuhuna ai te aho mātotoru pērā i te wūru. |
| ngira piko | He māmā ake te whakamahi ngira piko i ētahi mahi ā-rehe, pērā i te huihi, te tuitui kirikau, me te tapi pūeru. |
| ngira tui raumata | He tino nui te kōhao, he āhua pūhuki te pito ka kuhuna ki te papanga. |
| ngira kapiti | E huaki ana te kōhao kia ngāwari ake ai, kia tere ake ai te kuhu i te aho. |
| ngira kōpuku | He momo tēnei mō te tui papanga whatuwhatu ki te pūrere tuitui. He pūhuki te pito kia pai ai te kuhuna ki waenganui i ngā aho o te papanga whatuwhatu. |
Mēnā he tino whāiti te kōhao o te ngira, he uaua te kuhu i te aho. He māmā ake mēnā ka whakamahia te taputapu nei, te komo aho:
Ko te maurua te ingoa o te rārangi tuitui e hono ana i ētahi papanga e rua. Ka pinea ngā papanga e rua i te tuatahi kia mau, kātahi ka tuituia, ā, ka tango haerehia ngā pine. I ētahi wā ka whakapiria ngā papanga e rua ki te tui rangitahi i te tuatahi, he tuinga tere kia mau ngā papanga, kātahi ka āta tuituia, ā, ka tango haerehia ngā tui rangitahi.
Koia nei ētahi o ngā taputapu tuitui:
