Hauora

roro

brain

tūingoa

WHAKAMĀRAMA

Ko te whēkau whakahaere i ngā wāhanga katoa o te tinana, e tiakina ana i roto i te angaanga. Mā ngā io tairongo e kawe ngā karere mai i ngā wāhi katoa o te tinana ki te roro, mā ngā io whakaneke e kawe ngā karere a te roro ki ngā uaua me ngā repe hei whakahaere i ā rātou mahi.

The organ protected by the skull which controls all parts of the body. Sensory nerves carry messages from around the body to the brain, and motor nerves carry messages from the brain to control the functions of muscles and glands.

Tauira KŌrero

Ko te mātengatenga tētahi wharanga o te roro ka hua ake i te tukitukinga o te māhunga.

E kore e taea e tētahi rorohiko nui whakaharahara ngā mahi a te roro tangata.

He mahi motuhake tā te taha mauī o ngā roro, tā te taha matau anō hoki.

WhakamĀrama Āpitihanga

E toru ngā rohe matua o te roro:

Ko te pūroro. Koia te wāhi whakahaere i ngā mahi matua o te tinana, pērā i te hēhē, i te kakapa manawa, me te rere o ngā toto. Mā te pūroro e hono atu ai te roro ki te aho tuaiwi.
Ko te roro tuarongo. He wāhanga iti kei muri o te roro, te wāhanga e whakahaere ana i ngā uaua, te noho taurite o te tinana, me te reretahi o ngā nekeneke. Mā te roro tuarongo e tika ai te hīkoi, te omaoma me ngā nekeneke maha.
Ko te roro hiringa. Ko te wāhanga nui o te roro e tae atu ai ngā karere a ngā hanga tairongo katoa, te wāhi o te roro e whai whakaaro ai te tangata, e whakahaerehia ai ngā uaua autaki. Kei te roro hiringa te pūmahara o te tangata, ā, e rua ōna haurua. Kei te taha matau te whakaaro tūrehurehu, te whakaaro auaha me te whakahaere i te taha mauī o te tinana. Kei te taha mauī o te roro hiringa te whakaaro arorau me te whakahaere i te taha matau o te tinana.

Tauira KŌrero

Ko te mātengatenga tētahi wharanga o te roro ka hua ake i te tukitukinga o te māhunga.

E kore e taea e tētahi rorohiko nui whakaharahara ngā mahi a te roro tangata.

He mahi motuhake tā te taha mauī o ngā roro, tā te taha matau anō hoki.