WhakamĀrama Āpitihanga
Koia nei ngā wāhanga matua o tētahi pua:
whakaahua arinui- Ko te raukōpaki:
He momo rau hei tiaki i te pua me ōna wāhanga katoa. - Ko te raupua:
Ko te wāhanga o te pua e tino kitea ana. - Ko te hema-toa:
Ko te taihemahema toa o te pua. Ka noho mai te ketehae ki runga i te kaka, ka puta i reira te hae o te tipu. - Ko te hema-uwha:
Ko te taihemahema uwha o te pua. Ko te tauhae te wāhi e hopukina ai te hae o te hema-toa, ā, mā te awahae e tae atu ai ki te wharekano. Ki roto i te kano te tukanga whakatō, ā, ka tupu he kākano hou ā tōna wā.
He huhua ngā pua rerekē o tēnā momo tipu o tēnā, ā, e hāngai ana te āhua o te pua ki te āhua o te haenga o taua tipu. Mēnā mā te pupuhi o te hau e tutuki ai te haenga, kāore he tino take o ngā raupua, engari he roa ngā tauhae kia pai ai te hopukina o te hae e kawea ana e te hau:
Mēnā mā te pepeke, mā te manu rānei e tutuki ai te haenga, he nui ngā raupua, he muramura ngā tae, he reka te kakara o te pua, e hiahia ai te manu, te pepeke rānei kia tau atu ki taua tipu ki te kai i te waihonga o te pua. Māna anō te hae e kawe atu ki pua kē:
