WhakamĀrama Āpitihanga
I roto i ngā tipu whaipua ka hangaia he pūtau hou, ka kīia ko te pūtau hua, koia e kawe ana i ngā ira o te pūtau hema-toa (mai i te ketehae o te pua) me te pūtau hema-uwha (kei roto i te kano o te pua).
whakaahua arinuiI roto i te whakaputa uri a te tangata, ka tuha te ure o te tāne, ka uru atu ngā tātea e hia miriona nei ki te tara o te wahine, ā, ka kauhoe atu ki roto i ngā pūkākano. Me he kākano kei reira, ka tutuki pea te whakatōnga ina tūpono tētahi tātea ki te kuhu atu ki roto i te kākano, hono tahi ai. I konei ka wehewehe ngā pūtau o te kākano, ka tupu mai hei kikiri. Ka heke atu te kikiri ki te kōpū, ā, ka noho atu ki roto i ngā toto me ngā pūtau i te paetara o te kōpū. Ka kīia ko te kuhinga tērā o te kikiri, ā, kua hapū te wahine. Kei te takiwā o te 266 rangi te roa o te hapūtanga:
Mēnā e kati ana ngā pūkākano o te wahine, mā te whakatōnga mōwaho ia e hapū ai. Arā, ka tangohia e te rata he kākano i tōna wharekano, me te tātea i te tāne. Ka hono tahitia i rō taiwhanga pūtaiao kia puta ai he kikiri, kātahi ka whakahokia ki roto i te kōpū o te wahine, ki reira kukune ai.