Para Kore

pārekereke

seed bed (for plants)

tūingoa

WHAKAMĀRAMA

He one angiangi, ka ruia, ka whakatōkia rānei he purapura ki roto, ki reira tinaku ai, pihi ake ai. I ētahi wā, ka whakanōhia te oneone ki roto i tētahi momo paepae, ka kīia he paepae pārekereke. Kia pakari ngā tipu, ka huarangatia ki te māra.

Fine soil in which seeds are spread or planted for them to germinate and begin their growth. Sometimes the soil is placed in a tray, called a seed tray. When the plants are strong they can be transplanted to the garden.

Tauira KŌrero

Ko te kātene hēki tētahi momo paepae e pai ana te whakamahi hei pārekereke.

Kaua e pōrukuruku te one ka hoatu ki te paepae pārekereke, kia angiangi kē.

Me haumākū tonu te one o te pārekereke kia pai ai te tinaku o ngā purapura.

WhakamĀrama Āpitihanga

Ka whakaranua he onepū, he wairākau, he tūtae noke, he weu kokonati hei waihanga i te one pārekereke, ā, ka whakanōhia atu ki roto i te paepae pārekereke:

Ka ruia ngā purapura ki runga, ā, ka uhia ki tētahi apa one angiangi. He pārekereke raupihi tēnei:

Ko te pātara wairehu te mea pai hei whakamākūkū i te pārekereke, arā, kia kaua e tātāhia te one, kei horoia atu ngā purapura.

Kāore e roa, ka pihi ake ngā raupihi, ā, ka tapahia hei kai.

Ki te kore e tapahia, ka huarangatia, ka whakatōngia ki te māra, ā, ka tipu hei huamata korare nui.

I konei kua puareretia te rētihi, arā, kua waiho ki te māra kia tipu tonu, nāwai ā, ka pua, ka hua he purapura hou:

KUPU KĒ ATU

whakaika

Tauira KŌrero

Ko te kātene hēki tētahi momo paepae e pai ana te whakamahi hei pārekereke.

Kaua e pōrukuruku te one ka hoatu ki te paepae pārekereke, kia angiangi kē.

Me haumākū tonu te one o te pārekereke kia pai ai te tinaku o ngā purapura.

WhakamĀrama Āpitihanga