Mātauranga Whānui

para ako

game based learning

tūingoa

WHAKAMĀRAMA

He ara whakaako, inā ka whakaūngia ētahi tikanga, ētahi mātāpono ka takea mai i ngā momo tākaro ki roto i ngā mahi ako. Koia hoki ko te whakauru i ētahi tākaro ki roto i te hōtaka ako hei whakahihiko i te ākonga, hei whakapakari i ōna pūkenga whakaaro arohaehae, pūkenga whakaoti rapanga. 

A teaching approach where techniques and principles that come from different types of games are embedded in the learning activities. It is also the use of games in the learning programme to motivate the learner and enhance their critical thinking and problem solving skills.

Tauira KŌrero

Ehara i te mea he āhuatanga hou te para ako, kua roa e whakamahia ana i roto i ngā akomanga, i roto anō hoki i ngā ahurea huri i te ao.

Ko ngā momo tākaro tuku iho o te ao Māori te kaupapa o tana rangahau me te tōia mai o aua tākaro rā hei para ako mā te hunga tamariki o ēnei wā nei.

Nā te puea ake o te hangarau matihiko i ngā tau tata nei, kua tahuri ētahi kura ki te whai i te para ako matihiko, i runga i te hiahia kia manawa ū ngā ākonga ki ā rātou mahi ako.

WhakamĀrama Āpitihanga

Ko ētahi āhuatanga o te tākaro ka whāia i roto i te para ako:

  • Ko te whakataetae. Ākene he whakataetae ākonga ki te ākonga, rōpū ki te rōpū, ka whakataetae rānei te ākonga kia eke ia ki tētahi taumata. I te nuinga o te wā ka whāia he pūnaha whiwhinga e kitea ai te ekenga taumata o te ākonga, te toa rānei o tētahi ki runga ake i tētahi.
  • Ko te hihiko. Ka tino tōia te ākonga ki roto i ngā āhuatanga o te kēmu, ka manawa ū ia. Ina tīmata, ka warea te ākonga ki āna mahi, kāore ia e hiahia kia aukatia.
  • Ko te māhatanga, arā, ko te manawa reka o te ākonga ki tāna i whiwhi ai, ki tana eke taumata, ki tana angitu, ki tana toanga rānei.

Takenga Mai

para (para whakawai) - trials of skill in games

KUPU KĒ ATU

ako pūkēmu

ako pūtākaro

Tauira KŌrero

Ehara i te mea he āhuatanga hou te para ako, kua roa e whakamahia ana i roto i ngā akomanga, i roto anō hoki i ngā ahurea huri i te ao.

Ko ngā momo tākaro tuku iho o te ao Māori te kaupapa o tana rangahau me te tōia mai o aua tākaro rā hei para ako mā te hunga tamariki o ēnei wā nei.

Nā te puea ake o te hangarau matihiko i ngā tau tata nei, kua tahuri ētahi kura ki te whai i te para ako matihiko, i runga i te hiahia kia manawa ū ngā ākonga ki ā rātou mahi ako.

WhakamĀrama Āpitihanga