pani ~a

spread (food)

WHAKAMĀRAMA

Ko te hoatu i tētahi momo kai ki runga i tētahi atu kai, ko te momo kai rānei e hoatungia ana. He āhua kukū te pani. Hei tauira noa, ko te pata, ina pania ki runga parāoa.

The applying of one type of food onto another food, or the actual food that is being spread. A spread is usually a thick semi-solid substance. Butter when it is spread on bread is a common example.

Tauira KŌrero

He pai ki a ia ngā momo pani hei whakakakara i āna kai.

Pania ai āna hanawiti ki te pata pīnati.

I horaina he pihikete paka me ētahi pani maha hei paramanawa mā te iwi.

WhakamĀrama Āpitihanga

Koia nei ētahi momo pani:

aiori	He ranunga o te hinu ōriwa, te kāriki, te tōhua, te wairēmana me ētahi atu whakakakara, pērā i te mātete. E kainga nuitia ana ki Wīwī, ki Itāria, ki Pāniora hoki.
hōmihi	Ko te pītiki penupenu me te konatu anō ki te tahini, ki te wairēmana me te kāriki.
kīnaki kōmā	Ko te konatutanga o te hinu, te tōhua, te wairēmana, te winika me ētahi namunamuā anō hoki. He kukū, he kōmā te tae.
kuakamore	He awakate penupenu ka whakaranua ki te tote, te wairaima me ētahi atu whakakakara, pērā i te riki. I ahu mai i Mēhiko.
pate	He ranunga o te ate o te kararehe pērā i te pīkaokao, me te namunamuā. Ka kuorotia, ka konatuhia ēnei kai whakauru. Ka pania ki te parāoa, ki te pihikete paka hei paramanawa.
peheto	He whakaranunga o te painati, te pātiri, te kāriki, te hinu ōriwa me tētahi tīhi pērā i te pāmihi.
tahini	Ko te whakaranunga o te kano hehame whakanehu me tētahi hinu.

Atu i ēnei momo pani, ko ērā hoki o ia rā, pērā i te pata, i te tiamu me te mīere.

He pai ki a ia ngā momo pani hei whakakakara i āna kai.

Pania ai āna hanawiti ki te pata pīnati.

I horaina he pihikete paka me ētahi pani maha hei paramanawa mā te iwi.