kai whakauru

ingredient

WHAKAMĀRAMA

Ko ngā kai takitahi ka whakatōpūngia, ka whakaranua kia puta ai te kamenga e whakaritea ana. Ko tā te tohutao he whakarārangi i ngā kai whakauru e hiahiatia ana mō taua kai.

The individual foods that are mixed together to produce the dish that is being prepared. A recipe lists all the ingredients needed for that dish.

Tauira KŌrero

Kei a koe ngā kai whakauru katoa e hiahiatia ana?

Te maha hoki o ngā kai whakauru mō tēnei tohutao, hei aha noa pea ētahi.

Ko tā te kai whakauru nei he whakareka i te kai.

WhakamĀrama Āpitihanga

Hei tauira māmā tēnei o tētahi tohutao me te rārangi mai o ngā kai whakauru:

Koia nei ētahi kai whakauru e whakamahia whānuitia ana i te kīhini:

huka	Ko tā te huka he whakareka i te kai. Arā ngā momo, pērā i te huka mā, te huka parauri, te huka mata. Ko te nuinga ka takea mai i te tōhuka, ā, ka tukatukatia. Ka takea mai ētahi i tipu kē atu, pērā i te huka niu.
īhi	Ka whakaranua ki te pokenga parāoa hei whakarewa i te parāoa. He momo hekaheka ka tauhohe me te huka kia puta ai te hauhā (CO₂), mā reira e rewa ai te parāoa.
māngaro kānga	Ka takea mai i tētahi wāhanga o te kano kānga. Ka whakamahia hei whakakukū i te wairanu me te hupa.
pēkena houra	He momo whakarewa atu anō tēnei. Ko tāna, he whakaputa i te hauhā (CO₂) hei whakarewa i te pokenga.
pēkena paura	Mā te pēkena paura e rewa ai tētahi pokenga.
puehu parāoa	He whakanehunga o ngā momo pata pērā i te wīti, ngā momo kano pērā i te kano puarā, me ngā nati, pērā i te āmanati. Mēnā kua tāpiria te pēkena paura me te tote ki te puehu parāoa, ka kīia he puehu parāoa whakarewa.
whakareka	Ko te huka te whakareka matua, arā hoki te mīere, te waimāpere, te marahihi, te waihonga akāwei me te whakareka horihori.