!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Hangarau

parāoa

bread

tūingoa

WHAKAMĀRAMA

He kai ka hua ake i te ranunga o te wai me te puehu parāoa, me te āpitihia atu pea o ētahi atu whakaurunga, pērā i te īhi me te huka. Ka tunua te ranunga ki rō umu.

A food produced by mixing flour and water together, possibly along with other ingredients such as yeast and sugar. The mixture is baked in an oven.

Tauira KŌrero

Ko te parāoa tētahi tino kai o roto i ngā ahurea puta noa i te ao.

Mahi ai ia i tētahi parāoa hei kai mā tōna whānau i ia rā.

Pania te parāoa ki te pata me te tiamu - inā te reka!

WhakamĀrama Āpitihanga

E whai īhi ana te nuinga o ngā momo parāoa, koirā e rēwenatia ai. Ka whakaranua ngā kai whakauru, ka pokepokea kia uru mai ai te hau, kia āhua kūtorotoro anō hoki. Ka waiho ki tētahi wāhi mahana, nāwai ā ka piki. Kātahi ka tunua ki rō umu. Ko te īhi me te pēkena paura ngā matū rēwena ka mātua whakamahia ki te tunu parāoa.

Ko te raranu parāoa, koia ko te ranunga o te kotikotinga parāoa, te riki, te hēki me te namunamuā, pērā i te amiami. I te nuinga o te wā ka purua ki roto i tētahi atu momo kai, pērā i te pīkaokao, ā, ka taongia ki rō umu, ki roto rānei i te hāngi.

Koia nei ētahi momo parāoa:

kiapataHe momo nō Itāria, ka mahia ki te puehu parāoa wīti.
naanaHe momo parāoa pararahi nō Inia me ngā whenua o Te Rāwhiti Waenga. Ka rēwenatia ki te īhi, ko te miraka, te hēki, te huka me te tote ētahi atu o ngā whakaurunga.
parāoa kapeHe momo nō Ataria, nō Wīwī anō hoki, he pēhi aparau, ka rēwenatia ki te īhi. He kape tōna hanga.
parāoa kurutene-koreKa mahia ki tētahi pūehu parāoa kurutene-kore pērā i te puehu parāoa āmanati.
parāoa moīKarekau he whakaurunga kē atu i te puehu parāoa, te wai me te tote.
parāoa paraiHe momo ka mahia ki te puehu parāoa, te īhi, te huka, ka whakaranua ki te wai me te miraka, ā, ka tahuna rumakitia ki rō hinu.
parāoa patarauKa mahia ki te puehu parāoa mā, me te rau anō i ngā pata maha ki roto.
parāoa pata tikitūKa mahia ki te puehu parāoa tikitū, me te rau anō i ngā pata tikitū maha.
pitaHe momo parāoa pararahi, ka mahia ki te puehu parāoa wīti me te īhi.
rēwena, parāoa rēwenaKa mahia ki te īhi rīwai.
takakauKarekau he īhi i tēnei momo. Ka kīia he parāoa rēwena-kore.

Takenga Mai

He kupu mino (flour).

Tauira KŌrero

Ko te parāoa tētahi tino kai o roto i ngā ahurea puta noa i te ao.

Mahi ai ia i tētahi parāoa hei kai mā tōna whānau i ia rā.

Pania te parāoa ki te pata me te tiamu - inā te reka!

WhakamĀrama Āpitihanga