Ngā Toi

nuka reo

literary device

tūingoa

WHAKAMĀRAMA

Ko ngā rautaki, ko ngā āhuatanga o te reo, ka whakamahia e te kaikōrero, e te kaitito rānei, hei kawe, hei whakanikoniko i ōna whakaaro, hei whakauru hoki i te wairua e hiahiatia ana e ia kia puta. Hei tauira, ko te huahuatau, ko te kīwaha, ko te huarite.

The strategies and features of language that are used by a speaker or composer to convey and embellish their ideas, and infuse them with the desired feeling. Examples of literary devices include metaphor, idiomatic expressions and rhyme.

Tauira KŌrero

Āta whakarongo ki āna kōrero, ka tuhi ai i ngā nuka reo ka whakamahia e ia.

Ko te huarite tētahi o ngā nuka reo e tino rangona ana i ngā titonga mā te hunga nohinohi.

Ko te orokati tārua tētahi nuka reo e rangona ana i ngā waiata a Hirini Melbourne, pērā i te ‘Noke neke nuku, niki naki nū ...’

WhakamĀrama Āpitihanga

Koia nei ētahi o ngā nuka reo e tino rangona ana i te reo Māori: 

Ko te huarite. He kupu ēnei he ōrite te tangi o ngā kūoro whakamutunga. Hei tauira: He tere te rere a Mere ki te here i te pere o te wheketere i Tōrere.

Ko te kīwaha. He rerenga kōrero ōpaki o ia rā, he tikanga kē atu tōna i te tikanga noa iho o ngā kupu. Hei tauira, ko te 'pakaru ana te hamuti' hei whakaatu i te tino mataku o te tangata.

Ko te kupu whakarite, te huahuatau rānei. He kīanga whakatairite i ētahi mea rerekē e rua. Hei tauira, ko te kīanga 'He korokoro tūī' hei whakamihi i te tangata rōreka ki te waiata. Ka whakatairitea tōna reo ki te reo wainene o te tūī. I ētahi, ka whakamahia he kupu whakatairite ('pērā i te ...'; 'rite ki te ...'; 'ānō nei he ...'). Hei tauira:

  • Ānō nei ko te uira e whākanakana mai ana.
  • Ko te whetū tīramarama tōna rite.

Ko te orokati tārua. Ka tāruaruatia te orokati tuatahi o te kupu. Hei tauira, ko tēnei rārangi o te waiata a Hirini Melbourne: Ruru ruru rererere ruru ruru e ...

Ko te oropuare tārua. Ka tāruaruatia tētahi oropuare, ētahi oropuare rānei i roto i te rerenga kōrero. Hei tauira, ko te 'oe' i ēnei rārangi o te waiata a Hirini Melbourne: Tēnā koe, kaua e moe, whakarongo ki te tangi a te koekoeā ...

Takenga Mai

nuka - stratagem, ploy, device

Tauira KŌrero

Āta whakarongo ki āna kōrero, ka tuhi ai i ngā nuka reo ka whakamahia e ia.

Ko te huarite tētahi o ngā nuka reo e tino rangona ana i ngā titonga mā te hunga nohinohi.

Ko te orokati tārua tētahi nuka reo e rangona ana i ngā waiata a Hirini Melbourne, pērā i te ‘Noke neke nuku, niki naki nū ...’

WhakamĀrama Āpitihanga