Mātauranga Whānui

mahere paearu kounga

rubric

tūingoa

WHAKAMĀRAMA

He tūtohi e tohu ana i ngā paearu tutuki e hiahiatia ana i roto i tētahi ngohe aromatawai. Mā te whakamahia o tētahi mahere paearu kounga e ētahi pouako tokomaha e riterite ai, e haepapa ai ngā whakataunga aromatawai a tēnā me tēnā.

A table which signals the achievement criteria that is expected in an assessment task. When multiple teachers use a single rubric consistency and reliabliity of each teacher's assessment judgements can be achieved.

Tauira KŌrero

Tīkina atu te mahere paearu kounga a Te Mana Tohu Mātauranga i tā rātou paetukutuku.

Ka huihui ngā pouako ki te wānanga i te mahere paearu kounga hei aromatawai i ngā tuhituhinga reo Māori a ngā ākonga.

Me āta tirotiro e te ākonga te mahere paearu kounga kia mōhio ai ia ki ngā āhuatanga me āta whakaatu i roto i āna mahi.

WhakamĀrama Āpitihanga

Ko tā te mahere paearu kounga he āwhina i te pouako i āna whakataunga aromatawai. He mea nui kia mārama te ākonga ki ngā whakataunga aromatawai a tōna pouako, kia mōhio ai ia ki ngā wāhi e hapa ana, e ngoikore ana me ngā wāhi e pai ana. Mā reira ia e ako ai, mā reira e piki ai te kounga o āna mahi. Ko ētahi momo whakaatu whakataunga aromatawai hei whakahoki kōrero ki te ākonga:

  • Ko te māka. Ko tā te māka he tohu i te taumata eke o te ākonga e hāngai ana ki ngā paearu o roto i te mahere paearu kounga. Ka tuhia te māka hei hautau (pēnei i te 34/40). Ko te tauraro hei tohu i te māka mōrahi e taea ana, arā, te tino kairangi o te mahi. Ko te taurunga o te hautau hei tohu i te taumata i ekea e te ākonga.
  • Ko te tohu kounga. He āwhata iti hei tohu whānui i te ekenga taumata o te ākonga. E mātua whakamahia ana ngā pū tuatahi e rima o te arapū Pākehā. Ko te A e tohu ana i te kairangi, e rite ana ki te takiwā māka o te 85% ki te 100%; ko te B e tohu ana i te pai, mai i te takiwā o te māka 70% ki te 85%; ko te C ka tohu i te ekenga engari kāore e tino pai ana, e rite ana ki te takiwā maka mai i te 50% ki te 70%; ko te D hei tohu i te kore i eke, ko te 30% ki te 50% tōna takiwā māka; ko te E (te F) rānei hei tohu i te taka.
  • Ko te tohu kounga pūkē. He tohu kounga mō tētahi mahi aromatawai ka tukuna e te kura e pūtakea mai ana i ngā mahi akoranga a te ākonga. Ka tukuna he tohu kounga pūkē ki te ākonga mēnā he take houtupu, he take whaimana mō tana kore i whakaoti i te ngohe aromatawai.

Takenga Mai

mahere - plan, chart

paearu - criteria

kounga - quality

Tauira KŌrero

Tīkina atu te mahere paearu kounga a Te Mana Tohu Mātauranga i tā rātou paetukutuku.

Ka huihui ngā pouako ki te wānanga i te mahere paearu kounga hei aromatawai i ngā tuhituhinga reo Māori a ngā ākonga.

Me āta tirotiro e te ākonga te mahere paearu kounga kia mōhio ai ia ki ngā āhuatanga me āta whakaatu i roto i āna mahi.

WhakamĀrama Āpitihanga