WhakamĀrama Āpitihanga
Koia nei ētahi whakamahinga o tēnei kupu, te kuneroa i roto i te Tikanga ā-Iwi:
- Ko te kuneroa tangata. Koia ko te whanake haere o te tangata me ōna āheitanga katoa i te takanga o te wā tino roa. E pēnei ana te kuneroa tangata mai i uki, ki tā te pūtaiao o te ao rātō:
- Ko te kuneroa porihanga. Ko te tipu haere o te āhua o te noho ā-pori o te tangata i te takanga o te wā roa.
- Ko te kuneroa ahurea. Ko te rerekē haere o ngā āhuatanga ahurea i te takanga o te wā roa, pērā i ngā reo me ngā momo taputapu a tēnā iwi, a tēnā iwi huri i te ao.
Ko tētahi āhuatanga o te kuneroa, ko te urutau haere o te tangata, o te ahurea hoki i runga i ngā panonitanga o te wā. Hei tauira, ko te urutau a ngā tīpuna o Hawaiki ki ngā āhuatanga hou o Aotearoa, pērā i te āhuarangi me ngā momo tipu o konei ake; ko te urutau a ngā tīpuna i te taenga mai o tauiwi me ā rātou tikanga hou, hangarau hou hoki; ko te urutaunga e haere ana i tēnei wā tonu ki te mahana haere o te ao.