kori poiwhena

stability ball exercise

WHAKAMĀRAMA

He whakarōpūtanga kori tinana hei whakapakari i te taurite me te tūwhena o te tangata. Ka whakamahia he pōro tāwariwari nui i ēnei kori ka mātua aro ki ngā uatumu, me te whakapakari i ngā pona, pērā i ngā rekereke, i ngā turi me ngā hope.

A group of strengthening exercises aimed at improving a person's balance and stability. A large flexible ball is used in these exercises which focus on the core muscles and strengthening joints such as the ankles, knees and hips.

Tauira KŌrero

Kua tīmata tō mātou kapa poitarawhiti ki te kori poiwhena i ngā whakangungu i ia Rāpare.

Ahakoa te kaumātua o taku kuia kei te whai tonu ia i ngā kori poiwhena i ia ata.

Ka tino whakamahia he kori poiwhena hei whakamātūtū i ngā wharanga uaua ka hua ake i ngā hākinakina maha.

WhakamĀrama Āpitihanga

Hei tauira o ētahi kori poiwhena:

Ko te pikowae poiwhena. Ka puri whakapae, ko ngā tāhau ki runga i te pōro. Ka piko ngā turi me te pīrori whakamua i te poiwhena. Ka paku puritia, kātahi ka āta toro whakamuri anō i ngā waewae.
Ko te kapu iohere kātete. Ka takoto tīraha, ko ngā takapū ki runga i te poiwhena. Ka pīrori whakamuri i te pōro mā te tō i ngā rekereke kia pātata atu ki te kumu. Ka paku puritia, kātahi ka āta whakahokia kia torotika anō ai te tinana.
Ko te kuparu pātū poiwhena. Ka tū ki mua i tētahi pātū, ko te poiwhena ki waenga i te tuarā me te pātū. Ka piko ngā turi, ka pīrori whakararo i te pōro. Ka paku pūritia, kātahi ka āta tū anō.
Ko te takawiri whakatetaha poiwhena. Ka takoto tīraha ki runga i te poiwhena, me te piko whakahāngai o ngā waewae. Ka toro whakarunga ngā ringa. Ka takawiri te tumu o te tinana, taha ki taha, me te pīrori anō o te pōro ki raro iho.
Ko te pīrori poiwhena. Ka tūturi, ko ngā ringa ki runga i te poiwhena kei mua i te tinana. Ka pīrori whakamua i te pōro me te mau tonu ki te torotika o te tuarā. Ka paku puritia, kātahi ka pīrori whakamuri.